Region

Ermənistanda sərhədyanı kəndlərin sakinlərinə bu qədər pul veriləcək

25 Sentyabr 2025 14:19

Sərhədyanı icmalarının sakinlərinin gündəlik ehtiyaclarını yüngülləşdirmək və həyat şəraitini yaxşılaşdırmaq üçün Ermənistan hökuməti 2026-cı ildə 1 milyard 48 milyon dram (2,7 milyon dollar) yardım ayıracaq.

Publika.az “Sputnik Armeniya”ya istinadən xəbər verir ki, müvafiq qərar hökumətin bugünkü iclasında qəbul edilib.

Hökumətin 2014-cü il qərarına əsasən, Ermənistanın 13 sərhəd icmasının 82 yaşayış məntəqəsinin sakinləri dövlət dəstəyi alır.

Qərara əsasən, sərhədyanı icmalara təbii qaz, elektrik enerjisi, suvarma suyu xərclərinin qismən ödənilməsi və əmlak vergisinin tam ödənilməsi şəklində dövlət yardımı göstəriləcək.

Hökumətin qərarı parlament tərəfindən təsdiqlənməlidir.

Tural