Region

“Ukraynada münaqişəni “müharibə baronları” qızışdırır” - Ərdoğandan ŞİFRƏLİ MESAJ

27 Sentyabr 2025 19:00

Türkiyə Prezidenti Rəcəb Tayyib Ərdoğan “müharibə baronlarını” Ukrayna münaqişəsini qızışdırmaqda ittiham edib.

Publika.az xəbər verir ki, o, bu sözləri Bosfor diplomatik forumunda çıxışı zamanı deyib.

“Müharibə baronları Rusiya ilə Ukrayna arasındakı qarşıdurmanın alovuna benzin tökərkən, biz ədalətli sülhə nail olma yollarını axtarırdıq”, - Türkiyə lideri bildirib.

O, həmçinin qeyd edib ki, hazırda İstanbul tərəfindən Qəzza zolağındakı vəziyyətlə bağlı oxşar səylər göstərilir.

Eyni zamanda, Türkiyə lideri “müharibə baronları” dedikdə konkret olaraq kimi nəzərdə tutduğunu açıqlamayıb, nə konkret ölkələrin, nə də qüvvələrin adını çəkməyib.

Sentyabrın 26-da Türkiyə Prezidenti vurğulayıb ki, Ukraynada hərbi əməliyyatlar təkcə iştirakçı ölkələrə deyil, həm də bütün dünyaya mənfi təsir göstərir. Ərdoğanın sözlərinə görə, bütün dövlətlər bu qarşıdurmanın nəticələrini hiss edirlər.

Hüseyn İbadlı