İlham Əliyevdən MÜHÜM ADDIM: hökumətin narazılığa səbəb olan BU QƏRARI LƏĞV EDİLDİ
Bizi izləyin

Rəsmi xronika

İlham Əliyevdən MÜHÜM ADDIM: hökumətin narazılığa səbəb olan BU QƏRARI LƏĞV EDİLDİ

Azərbaycan Respublikasının Prezidenti İlham Əliyev yerlərdən daxil olan müraciətləri nəzərə alaraq, Nazirlər Kabinetinə “Meşə təsərrüfatına dəymiş ziyana görə maddi məsuliyyətə cəlb edilmə qaydaları haqqında” 1993-cü il 27 dekabr tarixli 636 nömrəli qərara dəyişikliklərin ləğv olunması barədə göstəriş verib.

Qeyd edək ki, meşə təsərrüfatında meyvələri qanuni əsas olmadan əldə edən şəxs həmin məhsulu geri qaytarmalıdır. Bu mümkün olmadıqda, dəymiş zərərin məbləği hüquq pozuntusu baş vermiş tarixdə dövlət tərəfindən tənzimlənən qiymətlərə, dövlət tərəfindən tənzimlənmədiyi hallarda isə sərbəst satış qiymətlərinə uyğun hesablanaraq ödənilir. Nazirlər Kabinetinin qərara etdiyi dəyişikliklər meyvələrin və bitkilərin qanuni əsas olmadan əldə edilməsinə görə ödənişlərin nəzərəçarpacaq dərəcədə artırılmasını nəzərdə tutub.

Xatırladaq ki, Nazirlər Kabineti “Meşə təsərrüfatına dəymiş ziyana görə maddi məsuliyyətə cəlb edilmə qaydaları haqqında” qaydaları təsdiqləmişdi.

Yeni qaydalara görə, qadağan edilən sahələrdə meşə sərvətlərinin tədarükü və yığılması nəticəsində meşə təsərrüfatına vurulmuş zərərə görə ödənişlər müəyyən edilmişdi.

Hər kiloqram yabanı (cır ) meyvə – alma, armud, zoğal, alça və s.-ə görə 1 manat, peyvənd meyvələrə görə 2 manat cərimə müəyyən edilmişdi. Həmçinin itburnu, eləcə də digər dərman bitkiləri, şabalıd, fındığın kiloqramına görə 2 manat, çaytikanının, qozun kiloqramına görə 3 manat, fıstıq toxumuna görə 1.5 manat, palıd 1, çökə toxumuna görə 1.5 manat cərimə ediləcək. Qamış, qarğı, meşə düşənəyi, tökülmüş yarpaqların hər kubmetri üçün 0.50manat cərimə müəyyən edilmişdi.

Meşələrdə bar gətirən meyvə ağaclarının məhsulunu qanuni əsas olmadan əldə edən şəxs, həmin məhsulu geri qaytarmalıdır. Əsassız əldə edilmiş məhsulu eynilə qaytarmaq mümkün olmadıqda, dəymiş zərərin məbləği hüquq pozuntusu baş vermiş tarixdə dövlət tərəfindən tənzimlənən qiymətlərlə, dövlət tərəfindən tənzimlənmədiyi hallarda isə sərbəst satış qiymətləri ilə hesablanır.

Oxumağa davam et
Reklam
Reklam

Gündəm