Rəsmi xronika

Prezident bu sazişləri təsdiqlədi

15 Dekabr 2025 14:23

2025-ci il sentyabrın 24-də Nyu-York şəhərində imzalanmış “Azərbaycan Respublikası Hökuməti ilə Maldiv Respublikası Hökuməti arasında ümumvətəndaş pasport sahiblərinin viza tələbindən qarşılıqlı azad edilməsi haqqında Saziş” təsdiq edilib.

Publika.az xəbər verir ki, bununla bağlı Prezident İlham Əliyev qanun imzalayıb.

xxx

"Azərbaycan Respublikası Hökuməti ilə Moldova Respublikası Hökuməti arasında məxfi məlumatın mübadiləsi və qarşılıqlı mühafizəsi haqqında Saziş" təsdiqlənib.

Publika.az xəbər verir ki, Prezident İlham Əliyev bununla bağlı qanunu imzalayıb.

Sənəd 2025-ci il sentyabrın 19-da Bakı şəhərində imzalanmışdı.

xxx

Azərbaycan Prezidenti İlham Əliyev altı ölkə ilə diplomatik və xidməti pasport sahiblərinin vizadan qarşılıqlı azad edilməsi haqqında sazişləri təsdiqləyib.

Publika.az xəbər verir ki, dövlət başçısı Anqola, Bəhreyn, Cibuti, Dominikan, Qvineya-Bisau, Surinamla analoji sazişləri təsdiq edib.