Artıq çəki ilə necə mübarizə aparmalı? - Tanınmış həkim açıqladı

Plastik cərrahiyyə mütəxəssisi Kamil Gülpınar piylənmənin fəsadlarından danışıb.

Publika.az xəbər verir ki, onun sözlərinə görə, piylənmə çəki artımına, toxuma stressinə, disfunksiyaya və metabolik xəstəliklərə səbəb olan enerji balansının pozulması kimi müəyyən edilir.

Həkim qeyd edib ki, bu mənfi təsirlərdən biri limfoid və neytrofil xətti adlanan immunitet sisteminin pozulmuş funksiyasıdır: “Bunlar immunitet sistemini qorumaq üçün infeksiyanı normal toxumadan sərbəst buraxan hüceyrələrdir və qorunmaqla tarazlıqda saxlanılmalıdır. İmmunitet sistemindəki balanssızlıq və normal toxumanın xroniki iltihabı piylənmə problemi olan şəxsləri xəstəliyə yoluxma ehtimalı yüksək olan şəxslər qrupuna daxil edir”.

Həkim piylənmənin müalicəsində əməliyyatın son seçim olmasının daha faydalı olduğunu vurğulayıb: “Piylənməni müalicə etmək üçün ilk növbədə bədən kütləsi indeksi 35-dən yuxarı olmalıdır. Xəstəlik həyati təhlükə yaradır. Piylənmə əməliyyatına qərar verməzdən əvvəl xəstə pəhriz və məşq mütəxəssisləri ilə birlikdə müəyyən cəhdlər etməlidir. Uğursuz olduğu təqdirdə əməliyyata yönəlməlidir.

Piylənmənin müalicəsində cərrahi üsulları tətbiq etmək üçün insanın ümumi sağlamlığı əməliyyat üçün uyğun olmalıdır. Bunun üçün xəstə müxtəlif testlər və müayinələrdən keçir. Nəticələrin uyğunluğundan asılı olaraq bariatrik cərrahi üsullardan birinə qərar verilə bilər. Bu üsullar arasında ən çox seçiləni boru mədə əməliyyatı olaraq da bilinən laparoskopik qol qastrektomiyasıdır. Bundan başqa, laparoskopik mədə keçidi, duodenal keçid, biliopankreatik yayılma (BPD) kimi üsullar da tətbiq edilə bilər.

Hazırda piylənmə əməliyyatları qapalı texnika, yəni laparoskopik üsulla aparılır. Bu əməliyyatla artıq çəki problemi olan insanların mədə həcmi kiçildilir və aclıq hissi məhdudlaşır. Mədənin udma səviyyəsi azalır. Bu şəkildə bir insan mütəmadi olaraq arıqlaya və piylənmədən yaranan xəstəliklərdən qurtula bilər".

Məhərrəm