18 il ağzını aça bilməyib, sonra məlum olub ki... - Həkim səriştəsizliyi

Böyük Britaniyada bir qadın oynaq problemi səbəbindən ağzını aça, həkimlər isə uzun illər bunun səbəbini aydınlaşdıra bilməyib.

Publika.az xəbər verir ki, belə bir əhvalat "Daily Mail" tərəfindən nəşr edilib.

47 yaşlı Naomi Smit səhhətinin 18 il əvvəl pisləşməyə başladığını deyib. Əvvəlcə çənə ağrısı, sonra miqren, başgicəllənmə və ürək bulanması müşahidə olunub. O, gündə 30 dəfə qusurdu, baş ağrılarından qışqırır, dəstəksiz dayana bilmirdi.

Qadın iddia edir ki, o, dəfələrlə xəstəxanaya müraciət edib, lakin həkimlər ona diaqnoz qoya bilməyiblər. Əvvəlcə onda fibromiya, sonra artrit və mədə-bağırsaq problemləri olduğundan şübhələniblər.

Smitin sözlərinə görə, bir müddət sonra ağzını aça bilməyib: "Çox arıqladım və bağırsaq keçməzliyi yarandı. Bir gün tibb bacısının sənədlərində ölümcül xərçəng xəstəsinə oxşadığımı yazdığını gördüm".

O əlavə edib ki, vəziyyətinin səbəbini ancaq bu il aşkarlayıb. Məlum olub ki, onun səhhətində yaranan problemlər temporomandibular oynaqların disfunksiyası nəticəsində yaranıb. O, indi əməliyyatı gözləyir və bundan sonra normal həyata qayıtmağa ümid edir.

Adəm