Sağlamlıq

Şəkərdən tamamilə imtinanın gözlənilməz nəticələri - Həkim açıqladı

17 Noyabr 2025 17:21

Şəkərin tamamilə kəsilməsi ciddi sağlamlıq problemlərinə səbəb ola bilər.

Publika.az “Mirror”a istinadən xəbər verir ki, bunu qastroenteroloq Meqan Rossi bildirib.

Mütəxəssis vurğulayıb ki, şəkərdən tamamilə imtina etmək asan deyil, çünki çoxlu sayda qida - meyvələr, tərəvəzlər və süd məhsulları şəkər və onun analoqlarını ehtiva edir.

Rossi xəbərdarlıq edib ki, bütün bunları pəhrizdən xaric etmək təhlükəlidir, çünki vitamin və antioksidant çatışmazlığı, maddələr mübadiləsinin pozulması və psixi sağlamlıq problemlərinə səbəb ola bilər.

Həkim qeyd edib ki, şirniyyat və desertlərdə olan şəkər də təbii qidalardakı şəkərlə eyni dərəcədə təhlükə yarada bilər. “Kiçik miqdarda şəkər zərərsizdir, lakin həddindən artıq olduqda piylənmə və onunla əlaqəli sağlamlıq problemlərinə səbəb ola bilər”, - deyə Rossi izah edib.

O, şəkərdən tamamilə imtina etməməyi və şirin qidaları yalnız ölçülü şəkildə qəbul etməyi tövsiyə edib.

Adəm