Alimlərin yeni kəşfi: Bu yolla qaraciyər xəstəliyindən qoruna bilərsiniz

Berqamot polifenolları yağlı qaraciyər infiltrasiyasını azalda və müəyyən edilmiş steatozu olanlarda qaraciyərin metabolik parametrlərini yaxşılaşdıra bilər.

Publika.az xəbər verir ki, bu barədə tədqiqatın nəticələri "Nutrients" jurnalında dərc olunub.

Tədqiqatda yağla zəngin olan insan pəhrizini təqlid edən 15 həftəlik yüksək kalorili menyudan istifadə edilib. Tədqiqat gəmiricilər üzərində icra olunub. Bəzi heyvanlara su ilə birlikdə berqamot polifenol fraksiyası (BPF) da verilib. Əlavə qəbul etməyən siçanlarda qaraciyər çəkisi və yağ tərkibi iki dəfədən çox artıb. Qan trigliseridləri, xolesterol və qlükoza səviyyələri də əhəmiyyətli dərəcədə artıb.

BPF qəbul edənlərdə isə qaraciyər toxumasında yağ miqdarı və hüceyrələrdə yağ damcılarının sahəsi azalıb. Qan trigliseridləri və qlükoza səviyyələri də azalıb. Histoloji analizə görə, berqamot polifenolları lipid sintezini və gücləndirilmiş otofagiyanı boğub. Artıq piyləri və zədələnmiş strukturları aradan qaldırmağa kömək edən hüceyrə "təmizləmə" prosesi başlayıb.

Alimlər bağırsaqlarda da dəyişikliklər aşkar ediblər: qısa zəncirli yağ turşularının, o cümlədən bütiratın istehsalı bərpa edilib. Bu metabolitlər metabolik pozğunluqlarda və qaraciyər yağlanmasında mühüm qoruyucu amil hesab olunur.

Müəlliflər ümidverici nəticələrin yalnız bir laboratoriya siçan ştammında əldə edildiyini vurğulayırlar. Yalnız klinik sınaqlardan sonra berqamot ekstraktı insanlarda qaraciyər yağlanmasının qarşısının alınması üçün sübut edilmiş üsul hesab edilə bilər.

Adəm