Bu qidalara hərisliyin səbəbi: Onlarsız depressiya yarana bilər

Əgər insan birdən-birə pomidor suyu, qırmızı bibər və ya biftek (əsasən mal ətindən hazırlanan, nazik və düz kəsilmiş bir ət parçası) arzulayırsa, bu, sadəcə qidalanmaq istəyi, qastronomik hərislik deyil, qida maddələrinin və ya həyati enerjinin çatışmazlığından xəbər verir.

Publika.az xəbər verir ki, bunu "Abzats"a diyetoloq Yelena Solomatina bildirib.

Mütəxəssisin fikrincə, qırmızı tərəvəz və ya meyvələrə (pomidor, bibər, çiyələk) həvəs likopen və karotenoidlərə ehtiyac olduğunu göstərə bilər. Bu antioksidanlar iltihabla mübarizə aparmağa, dərinin vəziyyətini yaxşılaşdırmağa, ultrabənövşəyi şüalardan qorumağa və qan dövranını yaxşılaşdırmağa kömək edir.

"Pomidor şirəsi qan dövranını yaxşılaşdırır. Bu, maddələr mübadiləsinin yaxşılaşması və əsas komponentlərin hüceyrələrə çatdırılması ilə bağlıdır", - Solomatina deyib.

Əgər qırmızı ət və ya qaraciyərə can atırsınızsa, bunun səbəbi dəmir, B vitaminləri və ya sink çatışmazlığıdır. Belə istəklər tez-tez yorğunluq, oksigen çatışmazlığı, xəstəlikdən sonra vegetarianlarda və hamilə qadınlarda baş verir.

"B vitaminləri reaksiya sürətinə və stressə normal reaksiyaya cavabdehdir. Onlarsız depressiya yarana bilər", - diyetoloq əlavə edib.

Adəm