Sağlamlıq

İsti çay və qəhvə ölüm riski yaradır

23 Dekabr 2025 18:00

Gündə səkkiz fincandan çox isti çay və ya qəhvə içmək mədə xərçəngi riskini ikiqat artırır.

Publika.az xəbər verir ki, çinli alimlərin bununla bağlı tədqiqatının nəticələri "Food & Function" jurnalında dərc olunub.

Alimlərin təxminən 12 illik müşahidələr zamanı 328.000-dən çox insanın məlumatlarını təhlil etdikləri bildirilir. Onlar içkilərin yalnız miqdarını deyil, həm də temperaturunu nəzərə alıblar.

Təhlil göstərib ki, gündə səkkiz stəkandan çox isti içki içənlərdə mədə xərçəngi riski 54% daha yüksəkdir. Çox isti içki içənlərdə isə risk eyni miqdardan ikiqat çox artıb.

Tədqiqatçıların fikrincə, əsas səbəb mədə mukozasının xroniki termal qıcıqlanması ola bilər ki, bu da iltihaba və toxuma zədələnməsinə səbəb olur. Alimlər sadə profilaktik tədbir tövsiyə edirlər: çay və qəhvəni içməzdən əvvəl bir az soyumağa qoyun.

Adəm