İnsanlar bunun sayəsində 150 ​​il yaşayacaq - ELMİ PROQNOZ

Tezliklə 150 ​​ilə qədər yaşamağın yolu tapılacaq. Alimlər bioloji saat və cavanlaşmanın öyrənilməsindəki irəliləyişlərin buna nail olmağa kömək edəcəyinə inanır.

Publika.az "Horvat Time" jurnalına istinadən xəbər verir ki, bu proqnozu qocalma ilə bağlı tədqiqatları ilə tanınan genetik Stiv Horvat verib.

Horvat açıqlamada 150 yaşa qədər yaşamağın reallığa çevriləcəyinə şübhə etmədiyini, lakin dəqiq bir zaman çərçivəsi verə bilmədiyini söyləyib. O, əsas irəliləyişlərin bioloji qocalmanın ölçülməsində və potensial olaraq geri qaytarılmasında sürətli irəliləyişlər olduğunu söyləyib.

Horvat ömrü uzatmağa kömək edəcək dərmanların ortaya çıxmasından əvvəl qocalmanı izləmək üçün etibarlı metodların vacib olduğunu vurğulayıb. O, bu texnologiyanı cavanlaşma metodlarının axtarışında əsas vasitə adlandırıb və dəqiq bioloji ölçmələrin yalnız qocalmanı yavaşlatmaqla yanaşı, onu əslində geri qaytara biləcək terapiyaların əsasını təşkil edəcəyini qeyd edib.

Eyni zamanda, ekspert insanların 1000 il yaşamağa başlayacağı fikrini qəti şəkildə rədd edərək, bu cür proqnozları "elmi fantastika" adlandırdı. O, bu gün elmin ölməzlik üzərində deyil, real nailiyyətlər üzərində işlədiyini vurğulayıb.

Buna baxmayaraq, Horvat əmindir ki, zamanla ömür uzunluğunun kəskin şəkildə artması mümkündür. O, hesab edir ki, növbəti bir neçə onillikdə biotibb sahəsində davamlı irəliləyişlərlə insan ömrü əhəmiyyətli dərəcədə dəyişə bilər.

Adəm