Qəhvə qan təzyiqinə görün necə təsir edir

Kardioloq, tibb elmləri namizədi Denis Sokolov bəzi insanlarda bir fincan qəhvənin arterial təzyiqin yüksəlməsinə səbəb ola biləcəyi barədə xəbərdarlıq edib.

Publika.az xəbər verir ki, o, bu içkinin orqanizmə təsirini Lenta.ru ilə söhbətində açıqlayıb.

"Qəhvədən sonra arterial təzyiqin yüksəlmə ehtimalı ən çox yaşlı insanlarda və hipertoniyası olan şəxslərdədir. Həmçinin kofeini nadir hallarda qəbul edən və ya genetik olaraq onun ləng metabolizm sürətinə malik olan insanlar risk qrupundadırlar. Lakin səhər içilən bir fincan qəhvə hər zaman təzyiqin qalıcı yüksəlməsinə səbəb olmur: onu müntəzəm içənlərdə dözümlülük (tolerantlıq) yaranır və kəskin reaksiya çox vaxt müşahidə edilmir", — deyə Sokolov bildirib.

Həkimin sözlərinə görə, tünd qəhvədən sonra təzyiq ürək-damar xəstəlikləri olmayan sağlam gənclərdə də yüksələ bilər. Lakin belə effekt adətən zəif ifadə olunur və 20-40 dəqiqədən çox çəkmir. Sokolov qeyd edib ki, təbii dəmlənmiş qəhvə, xüsusən də su ilə uzunmüddətli təmasda hazırlandıqda (məsələn, frenç-pressdə), həll olunan qəhvə ilə müqayisədə daha çox kofein saxlayır.

Hüseyn İbadlı