Sağlamlıq

8 saatlıq yuxumuza "haram qatıldı": Nevroloq bu mifi dağıtdı

26 Mart 2026 16:10

Gündəlik 8 saatlıq yuxu norması ilə bağlı illərdir bildiyimiz məlumatlar əslində mif imiş. Tanınmış nevroloq Qay Leştsiner "The Guardian" nəşrinə müsahibəsində yuxu ilə bağlı ən populyar yanılma haqda danışıb.

Publika.az xəbər verir ki, mütəxəssis hər kəsin eyni miqdarda yuxuya ehtiyacı olmadığını bildirib. Nevroloqun sözlərinə görə, əsas meyar rəqəmlər deyil, insanın özünü necə hiss etməsidir:

“Əgər az yatmağınıza baxmayaraq, gün ərzində yorğunluq hiss etmirsinizsə və diqqətiniz dağılmırsa, deməli, bu rejim sizin orqanizminiz üçün normaldır”.

Həkim həmçinin qeyd edib ki, bir gecəlik yuxusuzluq sağlamlığa ciddi zərər vurmur, çünki beyin bu itkini kompensasiya etmək qabiliyyətinə malikdir. Lakin o, xroniki yuxusuzluğun təhlükələri barədə xəbərdarlıq edib. Davamlı yuxu çatışmazlığı insult, ürək-damar xəstəlikləri, koqnitiv pozuntular və immunitetin zəifləməsinə yol açır.

Adəm