Sağlamlıq

Bu içkilər xərçəng riskini artırır

18 İyun 2026 14:00

Bəzi zərərsiz kimi görünən içkilər xərçəng riskini artıra bilər.

Publika.az xəbər verir ki, bu barədə diyetoloq Andrea Urizar xəbərdarlıq edib.

Mütəxəssisin sözlərinə görə, ən riskli içkilər sırasında enerji içkiləri və “şəkərsiz” və ya “0 şəkər” etiketi ilə satılan qazlı içkilər yer alır. O bildirib ki, bu məhsulların bir çoxunda süni dadlandırıcı - xüsusilə aspartam istifadə olunur.

Urizarın açıqlamasına əsasən, həddindən artıq və davamlı istifadə hallarında aspartam qaraciyər xərçəngi riskinin artması ilə əlaqələndirilə bilər. Bununla belə, o vurğulayıb ki, risk birbaşa istehlak miqdarından və istifadə tezliyindən asılıdır.

“Əgər bir məhsulun tez-tez istifadəsinin müəyyən risk yaratdığını anlayırıqsa, bu, onu bir dəfə qəbul etməyin dərhal təhlükəli olması demək deyil”, - deyə diyetoloq qeyd edib.

Mütəxəssis həmçinin əlavə edib ki, əsas təhlükə nəzarətsiz və davamlı istifadə zamanı yaranır, tək-tük hallarda isə ciddi risk gözlənilmir.

Müəllif: Adəm