109 yaşını qeyd etdi: Uzunömürlülüyünün 3 sadə sirrini açıqladı - FOTO

ABŞ-ın Viskonsin ştatında yaşayan 109 yaşlı qadın uzun ömrünün sirrini bölüşüb.

Publika.az xəbər verir ki, bu barədə "Milwaukee Journal Sentinel" məlumat yayıb.

Sara Levin 12 iyun 1917-ci ildə İllinoys ştatında anadan olub. O, 1939-cu ildə ailə quraraq Rasin şəhərinə köçüb və bu günə qədər orada yaşayır.

109-cu doğum günündə onu təbrik etməyə oğlu, qızı, dörd nəvəsi və nəticəsi gəlib. Levin 100 yaşına qədər öz evində yaşayıb, lakin bud-çanaq oynağı əməliyyatından sonra yaşlılar üçün nəzərdə tutulmuş pansionata köçmək qərarı verib.

Yaşının çox olmasına baxmayaraq, o, hələ də aktiv həyat tərzi keçirir, fortepiano çalır və bu bacarığı uşaqları ilə nəvələrinə də öyrədib.

Uzunömürlülüyünün sirrindən danışan Sara Levin bunu üç sadə amillə izah edib:

“Düşünürəm ki, gəzmək çox kömək edir. Mən ömrüm boyu çox gəzmişəm. Həm də fastfud yeməmişəm”.

O, üçüncü səbəb kimi isə ailə sevgisini göstərib.

109 yaşlı qadının doğum günü tədbirinə yaxınları ilə yanaşı, Rasin şəhərinin yanğınsöndürənləri də qatılıb və onu şəhər gəzintisinə çıxarıblar.

Adəm