Ən xeyirli giləmeyvə bu imiş... - İnfarkt riskini 32 faiz azaldır

"SM-Klinika"nın endokrinoloqu Anastasiya Altunina hansı giləmeyvənin sağlamlıq üçün ən faydalı hesab olunduğunu açıqlayıb.

Publika.az xəbər verir ki, o, bu məhsul barədə Lenta.ru ilə söhbətində danışıb.

"Əgər sağlamlıq üçün faydalılıq dərəcəsinə görə mütləq çempionu seçmək lazımdırsa, elmi məlumatların məcmusuna əsasən, bu, rahatlıqla qaragilə hesab edilə bilər. Bu, sadəcə dadlı bir giləmeyvə deyil, damarların, ürəyin və beynin qorunması üçün zəruri olan dəyərli maddələrin əsl konsentratıdır", - deyə Altunina bildirib.

Həkim izah edib ki, qaragilənin tərkibində orqanizmdəki iltihab prosesləri ilə mübarizə aparmağa kömək edən güclü təbii antioksidantlar - antosianlar var. Onun sözlərinə görə, genişmiqyaslı araşdırmalar göstərib ki, həftədə üç və ya daha çox porsiya qaragilə yeyən insanlarda infarkt riski 32 faiz azalıb, həmçinin yaddaş və insulinə həssaslıq yaxşılaşıb ki, bu da ikinci tip diabetin profilaktikası üçün vacibdir.

Həkim həftədə üç-dörd dəfə ən azı bir ovuc (təxminən 80-100 qram) təzə və ya dondurulmuş qaragilə yeməyi məsləhət görüb.

Hüseyn İbadlı