Beyin üçün ən faydalı tərəvəzlər açıqlandı

Diyetoloqlar Eyveri Zenker və Yohanna Kats beynin sağlamlığını qorumağa kömək edən ən faydalı tərəvəzləri açıqlayıblar.

Publika.az xəbər verir ki, onların "Real Simple" portalına verdiyi məlumata görə, siyahının ilk sırasında yarpaqlı yaşıl tərəvəzlər yer alır. Mütəxəssis Eyveri Zenker bildirib ki, kələm (kale), ispanaq, rukola, manqold, romen və digər yaşıl salat növləri beyin üçün olduqca faydalıdır.

Onun sözlərinə görə, bu tərəvəzlər lif, maqnezium, fol turşusu (B9 vitamini), dəmir, kalsium, kalium, A, B9 və K vitaminləri ilə zəngindir ki, bu da beyin fəaliyyətinin normal işləməsinə dəstək verir.

Diyetoloq Yohanna Kats isə brokkoli cücərtilərinin də beyin sağlamlığı üçün xüsusi əhəmiyyət daşıdığını vurğulayıb.

O bildirib ki, bu cücərtilər iltihabla mübarizə aparan və bağırsaq mikrobiomunun sağlamlığını dəstəkləyən sulforafan adlı bioloji aktiv maddənin ən zəngin təbii mənbəyidir.

"Brokkoli cücərtiləri sulforafanın ən güclü təbii mənbəyi hesab olunur. Bu baxımdan onlar yetişmiş brokkolidən daha təsirlidir. Bununla belə, həm cücərtilər, həm də adi brokkoli sağlamlıq üçün faydalıdır", - deyə Kats qeyd edib.

Müəllif: Adəm