• USD 1,7000 0,00% EUR 1,9389 +0,09%
    • GBP 2,1349 -0,11% RUB 0,0240 0,00%

Azərbaycana bahalı telefonlar gətirən şəxsin fırıldağı üzə çıxdı – FOTO

  • Sosial
  • 1 Fevral 2019 15:32
  • 697 Baxış
Azərbaycana bahalı telefonlar gətirən şəxsin fırıldağı üzə çıxdı – FOTO

Hava Nəqliyyatında Baş Gömrük İdarəsinin əməkdaşları xeyli sayda mobil telefonun ölkənin gömrük sərhədindən gömrük nəzarətinə bəyan edilmədən gizli keçirilməsi cəhdinin qarşısını alıblar.

Publika.az Gömrük Komitəsinə istinadən xəbər verir ki, Şarja-Bakı aviareysi ilə gələn Azərbaycan Respublikasının vətəndaşı gömrük nəzarətindən keçən zaman saxlanılıb və yoxlama aparılıb. Yoxlama zamanı sərnişindən 6 ədəd "İphone X 64 GB" markalı mobil telefonlar aşkarlanıb. Sorğu-sual zamanı sərnişin telefonların ona məxsus olmadığını və Şarja Hava Limanında olarkən Azərbaycan Respublikasına gətirilməsi üçün verildiyini bildirib. Şübhə yarandığından Şarja-Bakı aviareysi ilə gələn digər sərnişinlərin də əl yüklərinə yoxlama keçirilib və bu zaman 11 nəfər Azərbaycan Respublikasının vətəndaşından 25 ədəd, ümumilikdə 31 ədəd "İphone X 64 GB" markalı mobil telefonlar aşkarlanıb. Adları çəkilən vətəndaşlar mobil telefonların onlara məxsus olmadığını bildirib və telefonlardan imtina ediblər.

Araşdırma nəticəsində məlum olub ki, İsayev Əhməd Mülkəsahib oğlu 31 ədəd "İphone X 64 GB" markalı mobil telefonları gömrük nəzarətinə əvvəlcədən şifahi, yazılı və ya elektron formada bəyan etmədən güzəştli qaydada keçirmək məqsədi ilə onunla birlikdə Şarja-Bakı aviareysi ilə gələn sərnişinlərə paylayıb.

Faktla bağlı araşdırma aparılır.

Halal Nemət

Xəbər lenti

DAHA ÇOX XƏBƏR