Sosial

Müəssisələrdəki sağlamlıq imkanları məhdud uşaqların sayı açıqlandı

23 Sentyabr 2020 13:21

“Hazırda sosial xidmət müəssisələrində valideyn himayəsindən məhrum olan, eyni zamanda sağlamlıq imkanları məhdud olan 300 uşaq var”.

Publika.az xəbər verir ki, bunu Sosial Xidmətlər Agentliyinin Övladlığagötürmə və valideyn himayəsindən məhrum olmuş uşaqlarla iş departamentinin müdiri Cavid Şahmalıyev Əmək və Əhalinin Sosial Müdafiəsi Nazirliyinin Feysbuk üzərindən canlı yayımladığı “Sosial saat"ın efirində deyib.

O bildirib ki, valideyn himayəsindən məhrum olmalarına baxmayaraq, bu uşaqların hər biri övladlığa verilə bilməz: “Onların yalnız bir neçəsi övladlığa verilə bilər. Çünki bu uşaqların bəzilərinin valideynləri var. Onlar müvəqqəti olaraq, bəziləri rayonda sosial reabilitasiya mərkəzi tapmadığı üçün Bakıdakı müəssisələrə verilib. Yəni, bir neçə illik valideyn himayəsindən məhrum olublar. Hər valideyn himayəsindən məhrum olan uşaq övladlığa verilə bilməz”.

Akqabay