Sosial
Qarabağda evini kirayə verib, Bakıya qayıdanlara xəbərdarlıq
Son günlər keçmiş məcburi köçkünlər arasında bəzilərinin işğaldan azad edilən torpaqlarda onlara dövlət tərəfindən bağışlanan evləri kirayə verərək, Bakıya qayıtdıqları iddia edilir. Bildirilir ki, bəziləri bu evlərdən yaşamaq yox, yeni gəlir mənbəyi kimi istifadə edir. Xüsusilə də işğaldan azad olunan ərazilərə kütləvi turist axınından sui-istifadə edilir.
Publika.az xəbər verir ki, Qaçqınların və Məcburi Köçkünlərin İşləri üzrə Dövlət Komitəsindən (Qaçqınkom) Axar.az-ın sorğusuna cavab olaraq bildirilib ki, dövlət tərəfindən verilən mənzilin başqasına kirayə verilməsi hallarına vaxtilə Bakıda da rast gəlinib.
“Əvvəllər buna nəzarət edən sahə nümayəndələri olurdu və belə hal aşkarlandıqda qarşısı alınırdı. İndi isə azad edilən ərazilərdə buna nəzarət etmək hələlik mümkün deyil. Bizim komitə olaraq işimiz insanların öz ata-baba yurdlarına qayıdışını təmin etməkdən ibarətdir. İlkin mərhələdə Bakıda yaşayış durumu çox pis olanların qayıdışı təmin olunur. Onların Bakıda digər mənzillərə sahib olmadıqları tərəfimizdən dəqiqlədirilib”, - cavabda bildirilib.
Qeyd edək ki, Bakı və Bakıətrafında məcburi köçkünlər üçün salınan qəsəbələrdə vaxtaşırı reydlər keçirilir, ev verilən şəxslərin həmin mənzillərdə yaşayıb-yaşamadığı təsbit edilirdi. Dövlətin verdiyi evdə yaşamayıb, ondan qazanc məqsədilə istifadə edən və kirayə verənlər aşkarlanırdısa, həmin mənzil dərhal geri alınır, ehtiyacı olana təqdim edilirdi.
Bu təcrübənin işğaldan azad edilmiş ərazilərdə də tətbiq ediləcəyi istisna deyil.
-
Sosial13:43
Nazirlik Qarabağ Universitetinin tələbə yataqxanasının görüntülərini yaydı - VİDEO
-
Kriminal12:49
Bir ailənin qətliamına görə - Ömürlük həbs!
-
Sosial12:15
Ev almaq istəyən aztəminatlı ailələrə ŞAD XƏBƏR
-
Rəsmi xronika11:19
Prezident: Bu günü biz birlikdə Xankəndidə qeyd edirik
-
Qoroskop11:10
Günün ən şanslıları: bu üç bürcü xoş sürprizlər gözləyir
-
Sosial10:40
Artıq nə vaxt öləcəyinizi biləcəksiniz: Bu üsulla
-
MDB09:58
Priqojinin əşyaları muzeydə: Görün Şoyqu ona nələr veribmiş - FOTO
-
MDB09:12
İlin sonunda “13-cü pensiya” veriləcək - Kimlər alacaq?