Sosial

“Dedi-qodu xarakterli müzakirələrdən kənara çıxmalıyıq” - Emin Əmrullayev

4 Oktyabr 2024 11:22

“Təhsili məişət xarakterli, dedi-qodu səviyyəsindəki müzakirələrdən peşəkar elmi, faktlara əsaslanan bir platformaya gətirməliyik”.

Publika.az xəbər verir ki, bunu təhsil naziri Emin Əmrullayev Təhsildə Yeni çağırışlar V beynəlxalq forumda çıxışı zamanı deyib. Nazir bildirib ki, biz bu istiqamətdə müzakirələr aparmalıyıq:

“Yeni çağırışların bizim təhsilimiz üçün nə olduğunu müəyyən etməliyik. Çünki müzakirələr zamanı aydın olur ki, dünyanın təhsil sistemlərinin oxşar problemləri var. Bu ümumi problemlər müzakirə ediləndə müxtəlif yanaşmalar, yolları ortaya çıxır. Təbii ki, hər ölkənin özünəməxsus uyğun həll yolları var”.