Sosial

"Lotereyalar haqqında" qanuna dəyişikliklər edildi

29 Dekabr 2024 13:30

Milli Məclis lotoreyanın qeydiyyata alınması üçün lotoreya təşkilatçılarından vergi ödəyicisinin eyniləşdirmə nömrəsinin (VÖEN) tələb olunmasını son oxunuşda təsdiqləyib.

Publika.az xəbər verir ki, bununla bağlı "Lotereyalar haqqında" qanuna təklif edilən dəyişiklik Milli Məclisin bugünkü plenar iclasında müzakirəyə çıxarılıb.

Sənəddə qeyd edilib ki, lotereyanın (stimullaşdırıcı lotereya istisna olmaqla) qeydiyyata alınması üçün lotereya təşkilatçısı lotereyanın ilk oyununun keçirilməsinə azı 10 (on) iş günü qalmış səlahiyyətli orqana aşağıdakı sənədləri kağız daşıyıcıda və ya elektron formada təqdim etməlidir.

Dəyişikliyə əsasən, lotereyanın qeydiyyata alınması üçün ərizədə lotereya təşkilatçısının adı, vergi ödəyicisinin eyniləşdirmə nömrəsi, olduğu yer, lotereyanın adı və forması göstərilməlidir.

Layihə müzakirələrdən sonra səsverməyə qoyulub və III oxunuşda qəbul edilib.