Sosial

FHN kiçikhəcmli gəmilərə texniki baxış keçirəcək

9 Yanvar 2025 11:38

Fövqəladə Hallar Nazirliyinin (FHN) Kiçikhəcmli Gəmilərə Nəzarət və Sularda Xilasetmə Dövlət Xidməti tərəfindən il ərzində kiçikhəcmli gəmilərə texniki baxış keçiriləcək.

Bu barədə Publika.az-a FHN-dən bildirilib.

Məlumata görə, texniki baxış qeydedilən cədvələ uyğun həyata keçiriləcək.

Cədvəldə göstərilmiş günlər hava şəraiti ilə əlaqədar dəyişdirilə bilər. Həmçinin çimərlik mövsümündə Bakı şəhəri və Abşeron rayonu üzrə keçirilən texniki baxışlar qismən məhdudlaşdırıla bilər.

Sıra №	Texniki baxışın keçiriləcəyi şəhər və rayonlar	Texniki baxışın keçirilmə vaxtı
1.	Şimal regionu üzrə	Fevral ayı ərzində
2.	Muğan regionu üzrə	Mart ayı ərzində
3.	Cənub regionu üzrə	Aprel ayı əzində
4.	Daxili su hövzələri üzrə	Oktyabr ayı ərzində
5.	Bakı şəhəri və Abşeron rayonu üzrə
5.1	Ələt-Bibiheybət istiqamətində	Hər ayın 2-ci və 3-cü həftəsinin II və III günləri
5.2	Zığ-Pirallahı istiqamətində	Hər ayın 2-ci və 3-cü həftəsinin II və III günləri
5.3	Şüvəlan-Nardaran istiqamətində	Hər ayın 2-ci və 3-cü həftəsinin IV və V günləri
5.4	Görədil-Sumqayıt şəhəri, Hacı Zeynalabdin qəsəbəsi istiqamətində	Hər ayın 2-ci və 3-cü həftəsinin IV və V günləri