Qəbrinə yazılmış söz aranı qatdı - Nəhayət, gerçək bilindi

“Mərhum xanəndə Arif Babayevin qəbirüstü abidəsində yazılan “Şərqdə ilk muğam professoru” ifadəsi ətrafında yaranan müzakirələrə münasibət bildirmək istəyirəm. Arif müəllim 1996-cı ildə Şərqdə xanəndəlik ixtisası üzrə professor adı alan ilk şəxs olub. O, sırf xanəndəlik (muğam ifaçılığı) ixtisası üzrə professor adına layiq görülən ilk sənətkardır”.

Publika.az xəbər verir ki, bu fikirləri Prof. Dr. Zaur Aliyev səsləndirib.

O, xüsusilə qeyd edib ki, Arif müəllim 1996-cı ildə bu adı almaqla muğam ifaçılığının akademik elm kimi rəsmiləşdirilməsində mühüm rol oynayıb:

“Bu, akademik standartlara uyğun sənədləşdirilmiş ilk rəsmi addım hesab olunur.

Bu baxımdan qəbirüstü abidədə yazılan ifadə tam doğrudur. Bunun ətrafında müzakirə yaratmağın mənası yoxdur.

Qeyd edək ki, Şərqdə ilk professor adı 1940-cı ildə Uzeyir Hajibeyovə “Azərbaycan xalq musiqisinin əsasları” adlı elmi tədqiqat işinə görə verilib. İlk musiqi professoru məhz Üzeyir bəy olub.

Həmçinin 1940-cı ildə Bulbul musiqi elmi və vokal sahəsində professor adına layiq görülüb.

Said Rustamov da tarzən və bəstəkar kimi xalq musiqisinin tədrisi sahəsində ilk professorlardan biri hesab olunur.

Muğamın nəzəri əsaslarını akademik səviyyədə araşdıran Ramiz Zohrabov isə bu istiqamətdə professor adına layiq görülən ilk musiqişünaslardan sayılır.

Şərqdə digər muğam ustaları — Özbəkistan və İranda da fəaliyyət göstəriblər. Lakin onların adı tarixə professor kimi deyil, daha çox “master” (ustad) kimi düşüb”.