Cənubi Qafqaz

İrəvan Bakıya güzəştə hazırlaşır - Abramyan

20 İyul 2021 17:29

Azərbaycanın Naxçıvanla sərhəddə mövqeyinin istənilən yaxşılaşması İrəvan üçün geriyə dönüşü mümkün olmayan nəticələrə gətirib çıxaracaq.

Publika.az Axar.az-a istinadən xəbər verir ki, bunu erməni hərbi ekspert Tiqran Abramyan deyib. Onun sözlərinə görə, Ermənistan hökuməti hazırkı şəraitdə siyasi, diplomatik və hərbi nöqteyi/nəzərdən heç bir şey edə bilmir:

“Baş verənlər hansısa oyunun məntiqindən xəbər verir. Hakimiyyət cəmiyyətdə qorxu atmosferi formalaşdıraraq, öz güzəştlərinə haqq qazandırmağa cəhd edir. Bu insanlar Ermənistanın təhlükəsizliyini təmin etmək halında deyillər. Onlar siyasi mənada Qarabağın “təhlükəsizliyini” təmin etməkdən imtina ediblər və indi istəsələr belə, Ermənistanın təhlükəsizliyini təmin edə bilməyəcəklər”.