Cənubi Qafqaz

Azərbaycanlı müəllimdən ŞOK ƏMƏL: şagirdləri diz çökdürərək... - FOTO

2 Oktyabr 2022 21:49

Marneuli rayonunun kəndlərindən birində gürcü dili müəllimi Rəhman Musayev məktəbdə dərs keçdiyi şagirdləri cəzalandırmaq üçün alçaldıcı metod seçib.

Publika.az xəbər verir ki, bu barədə yerli mətbuat məlumat yayıb.

Bildirilib ki, o, şagirdləri lövhənin qarşısında dizi üstə çökdürərək dərs keçib və şagirdlərin bu vəziyyətdə fotolarını paylaşıb.

Onun bu hərəkəti yerli ictimai fəalların etirazına səbəb olub.

Yaranmış narazılıq fonunda müəllim işdən çıxarılıb.

Bu barədə sözügedən məktəbin direktoru açıqlama verib.

O, R.Musayevin istefasının qəbul edildiyini açıqlayıb: “Rəhman müəllim bu gün gəldi, istefa ərizəsini təqdim etdi. O, bir neçə müddət əvvəl əməliyyat olunmuşdu, indi də gəldi istefa ərizəsini verdi və səhhətində problemlər olduğuna görə, artıq məktəbdə işləmək istəmədiyini söylədi”.

Qeyd edək ki, Rəhman Musayev eyni zamanda “Gürcü Arzusu” partiyasının Marneuli Bələdiyyə Məclisindəki deputatıdır. (Aktual.ge)