Cənubi Qafqaz

Bakı və İrəvan sülh müqaviləsinin bu bəndində razılaşdı - Qriqoryan

9 Dekabr 2022 14:11

İrəvanla Bakı arasında sülh müqaviləsinin yalnız bir bəndi - Vyana Konvensiyasına uyğun olaraq diplomatik münasibətlərin qurulması barədə razılıq əldə olunub.

Publika.az xəbər verir ki, bunu Ermənistan Təhlükəsizlik Şurasının katibi Armen Qriqoryan Milli Assambleyada deputat Aqnes Xamoyanın sualını cavablandırarkən deyib.

Qriqoryan qeyd edib ki, sülh müqaviləsinin mətni üç dəfə redaktə olunub və hazırda Ermənistan tərəfi onun üzərində işləyir.

“Sülh sazişinin bütün digər bəndləri üzrə dəqiq razılıq yoxdur”, - Qriqoryan bildirib.

“Söhbət Qarabağ problemlərindən, sərhədin delimitasiyası və demarkasiyası, kommunikasiyaların açılması və humanitar məsələlərdən gedir. Bu məsələlərlə bağlı müzakirələr davam edir. Bütün bu problemli məqamlar Ermənistan əhalisinə məlumdur”, o əlavə edib.

Akqabay