ABŞ mühafizə xidməti Zəngəzur dəhlizində: Ermənilərə nə öyrədirlər?

ABŞ Gömrük və Sərhəd Mühafizə Xidmətinin əməkdaşları Ermənistandandır.

Publika.az xəbər verir ki, bu barədə ABŞ-ın Ermənistandakı səfirliyi məlumat yayıb.

Məlumata görə, ABŞ-dan gələn nümayəndə heyəti 29 sentyabr-11 oktyabr tarixlərində Ermənistan Sərhəd Qoşunları ilə birlikdə “Fürsətlərin təhlili prosesi” proqramı üzrə qabiliyyətin qiymətləndirilməsini həyata keçirəcək, o cümlədən, təkmilləşdirilməli sahələri müəyyən edəcəklər.

Bu, avqustun 8-də Tramp və Paşinyanın Vaşinqtonda imzaladığı ABŞ-Ermənistan Memorandumunun həyata keçirilməsi istiqamətində ilk addımdır.

Səfirliyin bəyanatında deyilir: “Biz “Sülhü kəsişməsi” potensialının gücləndirilməsi üzrə tərəfdaşlığımızın həyata keçirilməsi istiqamətində atılan ilk addımı dəstəkləməkdən qürur duyuruq”.

Vaşinqtonda imzalanan razılaşmaya uyğun olaraq, ABŞ-ın Ermənistana sərhəd təhlükəsizliyinin təmin edilməsi və təkmilləşdirilməsinə yardım edəcək. Lakin əsas diqqətçəkən məqam Ermənistana gələn ABŞ Gömrük və Sərhəd Mühafizə Xidmətinin əməkdaşlarının “Sülhün kəsişməsi”, yəni Zəngəzur dəhlizinin keçdiyi bölgədə işləməsidir. Bu o deməkdir ki, ABŞ TRİPP layihəsi – Zəngəzur dəhlizinin açılması istiqamətində aktiv iş aparır.

Asif