Tbilisidə iğtişaşlarda 32 polis əməkdaşı yaralandı - VİDEO/YENİLƏNDİ

Oktyabrın 4-də Tbilisidə keçirilən mitinqdə 32 polis əməkdaşı xəsarət alıb.

Publika.az xəbər verir ki, bu barədə Gürcüstan Daxili İşlər Nazirliyinin mətbuat xidməti məlumat yayıb.

Qurumdan bildirilib ki, 30 polis əməkdaşı yüngül xəsarət alıb, bir nəfər orta ağır, digəri isə ağır şəkildə yaralanıb. Hazırda həkimlər ağır yaralanan şəxsin vəziyyətini sabit qiymətləndirirlər.

Daha əvvəl Gürcüstan Səhiyyə Nazirliyi iğtişaşlar nəticəsində 21 hüquq-mühafizə orqanı əməkdaşının xəsarət aldığını bildirmişdi.

xxx

22:24 - 04.10.25

Gürcüstan Daxili İşlər Nazirliyinin məlumatına görə, paytaxt Tbilisidə mitinqdə baş verən hadisələr nəticəsində 14 polis əməkdaşı xəsarət alıb.

Publika.az xəbər verir ki, bu barədə Gürcüstan Daxili İşlər nazirinin müavini Aleksandre Daraxvelidze məlumat verib.

Onun sözlərinə görə, aksiya iştirakçılarının qanunsuz hərəkətləri nəticəsində Daxili İşlər Nazirliyinin 14 əməkdaşı xəsarət alıb. Onlardan birinin vəziyyəti ağırdır.

Hadisə yerində ictimai asayişin bərpası məqsədilə Daxili İşlər Nazirliyi tərəfindən qanunvericilikdə nəzərdə tutulmuş xüsusi vasitələrdən istifadə olunub.