Qarabağdan gedən ermənilər bir-birlərini qırırlar: Polis qatilin evini qoruyur - VİDEO

Ermənistanda dünən törədilmiş qətldən sonra maraqlı vəziyyət yaranıb.

Publika.az xəbər verir ki, kriminal xəbər saytı olan "Shamshiyan" polislərin 18 yaşlı gənci qətlə yetirməkdə şübhəli bilinən şəxsin evini qoruduğunu yazıb.

"Ölən Qarabağdan Ermənistana köçən gəncdir. Qatilin isə şəxsiyyəti hələlik tam müəyyən edilməyib. Otyabrın 4-də Lori bölgəsində baş vermiş qətl hadisəsi ilə bağlı məlumat vermişdik. Saat 16:00 radələrində mülki avtomobillə “Taşir” tibb mərkəzinə yaralı gətirilmişdi. O, bıçaq xəsarətləri alıb və həkimlər daha sonra polisə məlumat veriblər ki, zərərçəkən özünə gəlmədən ölüb",- nəşr yazıb.

Saytın müxbiri Qaqik Şamşiyan da evin qarşısından canlı yayıma çıxaraq yaranmış qəribə durumdan danışıb.

Ölən şəxsin Azərbaycanın Qarabağ bölgəsindən köçmüş 18 yaşlı Tiqran D. adlı şəxs olduğu müəyyən edilib. Tiqran D-ni bıçaqlamaqda şübhəli bilinən isə 17 yaşlı Qarabağ ermənisi Razmik M. şübhəli bilinir. Yerli media polisin adi məişət zəminində baş vermiş kriminal hadisədən sonra gecə-gündüz qatili qorumasının çoxlu suallar yaratdığını yazıb.

Tural