Cənubi Qafqaz

Paşinyan keçmiş prezidentləri DEBATA ÇAĞIRDI: - “Yenə qaçacaqsınız?”

8 Oktyabr 2025 01:41

“Guya müharibəni udmuş, Qarabağı ermənilərin əlində saxlamış, danışıqlarda bənzəri olmayan və iqtisadiyyatı inkişaf etdirmiş üç keçmiş prezident mənimlə debatlara gəlməkdən qorxur”.

Publika.az xəbər verir ki, bunu Ermənistanın Baş naziri Nikol Paşinyan özünün “Facebook” səhifəsində yayımladığı videomaterialda bildirib.

“Əslində “səninlə müzakirə edəcəyim heç nə yoxdur” janrı tamamilə qanunidir, amma məsələ ondadır ki, bu adamların dediklərinin 99,9%-i əslində mənimlə debatdır. Onlar debatlara gəlmirlər, çünki dedikləri o 99,9% — yəni mənimlə mübahisə etdikləri saxtadır. Mən bunu çox asanlıqla sübut edə bilərəm”, - Baş nazir qeyd edib.

“Yeri gəlmişkən, siz parlament seçkilərində iştirak edəcəksiniz, yenə də debatlara gəlməyəcəksiniz? Yenə qaçacaqsınız?” - deyə Paşinyan əlavə edib.

Hüseyn İbadlı