Cənubi Qafqaz

Masisin müxalifətçi meri BELƏ HƏBS EDİLİB

28 Oktyabr 2025 21:36

Xəbər verdiyimiz kimi, Ermənistanın Masis şəhərinin müxalifətçi meri David Ambarçumyanı həbs edilib.

Publika.az xəbər verir ki, bu barədə müxalifətçi fəal Narek Malayan məlumat verib.

O bildirib ki, Ermənistan polisi meri İrəvanın “Zvartnots” hava limanında, Rusiyadan qayıdan zaman saxlayıb.

“David Ambarçumyan təyyarənin qapısında həbs olunub,” — deyə o yazıb.

23 oktyabrda Yerevan məhkəməsi Masis şəhərinin müxalifətçi meri David Ambarçumyanı altı il üç ay müddətinə azadlıqdan məhrum edib.

Ambarçumyan 2008-ci ildə etiraz aksiyalarının iştirakçılarına qarşı odlu silahdan istifadə etməkdə və kütləvi iğtişaşlar təşkil etməkdə ittiham olunurdu.

İyun ayında “Şərəfim var” müxalifət fraksiyası Masis merini Ermənistanın baş naziri Nikol Paşinyana qarşı başladılan impiçment prosesində baş nazirliyə namizəd kimi irəli sürmüşdü.

Bundan əvvəl Paşinyan Gümri şəhərinin müxalifətçi meri Vardan Qukasyanın həbsi ilə bağlı özünün əlaqəsinin olmadığını bildirmişdi.

Hüseyn İbadlı