Kremlin adamı hərəkətə keçdi, Paşinyanı müharibə ilə hədələdi - İrəvanda qarşıdurma

“Güclü Ermənistan” partiyasının lideri, milyarder Samvel Karapetyan Rusiya ilə “iqtisadi müharibə” risklərinin olduğunu iddia edib.

Publika.az xəbər verir ki, Karapetyan parlament seçkilərini Ermənistan üçün “seçim şansı” kimi qiymətləndirib. İddia edib ki, Paşinyan hakimiyyəti seçkidə qalib gələrsə, Rusiya ilə “iqtisadi müharibə” yaşana, nəticədə Ermənistan iqtisadiyyatı çökə bilər.

O, Paşinyanın Rusiya ilə münasibətlərdə davranışlarını ağlasığımaz adlandırıb. Bildirib ki, Ermənistan hakimiyyəti ölkəni geosiyasi qarşıdurma meydanına çevirir.

“Dost ölkəni bölgəmizdən sıxışdırmağa çalışmaq nə üçün lazım idi? Onun mövcudluğu Ermənistanın digər güc mərkəzləri ilə əməkdaşlığına və ticarətinə mane olmayıb, əminəm ki, gələcəkdə də mane olmayacaq. Rusiya bizi ucuz qazla təmin edir, mövsümi işçilərimizə iş verir və kənd təsərrüfatı məhsullarımızın əhəmiyyətli hissəsini alır. Bütün bunlara son qoyulsa, xalq daha da yoxsullaşacaq. Gürcüstan və Ukraynanın başına nə gəldiyini gördük. Bizə yeni müharibələr lazım deyil, Nikola səs verməklə ruslarla düşmənçilik, qütbləşmə, yoxsulluq və iqtisadi çöküş əldə edəcəksiniz”, - o deyib və erməni seçiləri seçkidə ona səs verməyə çağırıb.

Asif