Yeni mövsümün ən trend manikürləri - Fotolar

Payız-qış aylarının makiyaj və saç trendlərini sizinlə bölüşmüşdük. Bu dəfə isə qadınların ən çox diqqət ayırdığı manikür dəbindən bəhs edəcəyik.

Podiumlara nəzərə saldıqda məlum olur ki, soyuq fəsil çox fərqli dırnaq manikürləri və rəngli dırnaq boyaları ilə yadda qalacaq.

Qırmızının çalarları

Qırmızı və zoğalı rənglər illərdir ki, populyarlığıını qoruyub saxlayırlar.

Bu ildə adını çəkdiyimiz rənglər öz hakimiyyətini qoruyub saxlayacaq. “Kenneth Cole”, “Costello Tagliapietra”, “Rebecca Minkoff”, “Nicole Miller”, “Yigal Azrouel”, “Damir Doma”, “Noon by Noor”, “Burberry” -nin dəfilələrində qırmızı tonlarda olan dırnaq boyalarına üstünülk verildiyini müşahidə etdik.

Tünd rənglər

Yaşılın, bənövşəyinin və mavinin tünd çalarları, həmçinin boz və qara rəngli dırnaqlar bu il dəbdədir.

Bir çox brend öz dəfilələrində modellərin manikürlərini bu rənglərdə etməyə üstünlük verib.

Qızıl rəngi

Parıltılı qızıl rəngini dırnaqlarda tez-tez görəcəyik.

Bej rəng

Bej rənglər sadəliyi sevən xanımlar üçün mövsümün vaz keçilməzi olacaq. Bu rənglə edilmiş manikür bütün geyimlərlə uyğunlaşır.

Yarım ay manikürü

Dırnaq diblərinə yarım ay formasında qara və ya zoğalı rəngdə dırnaq boyası çəkilir. Başqa rənglərdən də istifadə etmək mümkündür. Dırnağın qalan hissəsi isə bej çalarda olan dırnaq boyası ilə boyanır. Bu manikür şəkli payız və qış aylarında dəbdə olacaq.

Xətlər

Dırnaqlarda boyalarla çəkilmiş düz cizgilər olduqca populyarlıq qazanıb. İstədiyiniz rəngləri seçə bilərsiniz. Amma rənglərdən birinin açıq, digərinin tünd tonlarda olmasına diqqət edin.

Gipürlü manikür

Bu ilin ən yeni və ən dəbli manikür dəbi isə gipür formasında olacaq. Xüsusi ilə zərif geyimlərlə çox gözəl uyğunlaşan bu manikür formasını evdə etmək çətin olsa da, manikür ustaları sayəsində siz də öz dırnaqlarınıza tətbiq edə bilərsiniz.

Tabloid.az