• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

“Chrysler” 150 milyon dollar təzminat ödəyəcək

“Chrysler” 150 milyon dollar təzminat ödəyəcək

ABŞ məhkəməsi 2012-ci ildə "Chrysler"in "Jeep Grand Cherokee" SUV modelinin iştirakı ilə baş verən qəzada həyatını itirən dörd yaşındakı uşağın ailəsinə 150 milyon dollar təzminat ödənməsinə qərar verib.

Qəza anında "Jeep Grand Cherokee"nin arxa oturacağında oturan Remington Walden adlı uşaq yük maşınının arxadan vurması ilə benzin çəninin alovlanması nəticəsində həyatını itirmişdi.

Təxminən üç ildir davam edən məhkəmə nəticəsində günahkar sayılan "Chrysler" firması 150 milyon dollar təzminat ödəyəcək.

"Chrysler" 2013-cü ildə 1993-1998-ci illərdə istehsal edilən və eyni benzin çəni olan 1 milyon 560 min SUV modelini geri çağırmışdı.

Remington Waldenin həyatını itirdiyi avtomobil 1999-cu il istehsalı idi. "Chrysler" 1999-cu ildə istehsal olunan avtomobillərin benzin çənində problem olmadığını iddia edir. Remington Waldenin ailəsi isə bildirir ki, avtomobildəki benzin çəni ön tərəfdə yerləşsəydi, bu cür faciə də baş verməzdi.

Xəbər lenti

DAHA ÇOX XƏBƏR