Bakı 2015
Bakı 2015 məşəlinin Bakı marşrutu məlum oldu
Bakı 2015 İlk Avropa Oyunlarının Məşəlinin Bakıdakı marşutu açıqlanıb.
Publika.az xəbər verir ki, məşəl 12 iyun tarixində keçiriləcək Açılış Mərasimində Olimpiya Stadionuna gətirilənədək 7-10 iyun tarixlərində paytaxtımızın bir çox məkanlarını gəzəcək.
Məşəl iyunun 7-də yenidən qurulmuş Ağ Şəhər Bulvarına, Neftçilər Prospektinə və Bayraq Meydanına səfər etməzdən əvvəl qayıqla möhtəşəm üslubda Bakıya gətiriləcək və nəhayət, Bakıda qalacağı bir gecəlik müddətdə Qız Qalasında olacaq. İyunun 8-də isə Avropa Oyunlarının keçiriləcəyi doqquz məkandan - Heydər Əliyev adına İdman Arenası, Milli Gimnastika Arenası, Kristal Zal, Bakı Su İdmanı Mərkəzi, Bilgəh Çimərliyi, Tofiq Bəhramov adına stadion, Basketbol Arenası, BMX Veloparkı və Dağ Velosipedi Veloparkından keçəcək.
Çərşənbə axşamı məşəl bəzi tarixi binalara aparılaraq, UNESCO-nun Dünya Mədəni İrsi siyahısına daxil edilən İçərişəhərə səyahət edəcək. Buraya UNESCO-nun Azərbaycanın arxitekturasının mirvarilərindən biri kimi adlandırdığı məşhur Şirvanşahlar Sarayı da daxildir.
Məşəlin növbəti səfəri 10 iyun tarixində Bakının mədəniyyət və memarlıq obyektlərinə, məsələn, Nizami küçəsinə, Fəvvarələr Meydanına, Qış Parkına, Filarmoniya Parkına və nəhayət, Funikulyorun yuxarı hissəsində yerləşən Dağüstü Parka olacaq.
İyunun 11-də məşəl final vaxtı üçün Qız Qalasından götürüləcək və 12 iyun tarixində Açılış Mərasiminin keçiriləcəyi “Olimpiya” stadionuna aparılmazdan əvvəl Xəzər dənizinin sahilində yerləşən Satko limanına gətiriləcək.
Qeyd edək ki, aprelin 26-da Atəşgah məbədində alovlandırılan məşəl həmin vaxtdan etibarən Azərbaycanın bütün bölgələrinə səfər edib.
Aygün İlqarqızı
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR
-
Magazin126 Aprel 21:35
Günelə nə olub? - Xəstəxanadan görüntüsünü paylaşdı və... - FOTO
-
Hadisə26 Aprel 21:10
Qırmızı işıqda keçən nazirin maşını aşdı - FOTO
-
Magazin126 Aprel 20:22
Müğənni Yalının qohumu sevgilisi tərəfindən qətlə yetirildi - FOTO
-
Dünya26 Aprel 19:57
Zelenski onu yeni vəzifəyə təyin etdi