Bilgi.az

Cinsi istismar müqabilində qadını zəncirlədi - Foto

2 May 2014 13:02

Cinsi istismar müqabilində qadını zəncirlədi-Foto

Seks köləsi kimi saxlanılan qadın mələfələrin köməyi ilə zorakılıqdan xilas ola bilib.

Hadisə Rusiyanın İrkutsk şəhərində baş verib. Belə ki, əsirlikdən qaça bilən qadın mələfələrdən nərdivan hazırlayaraq eyvandan qaça bilib və polisə müraciət etdikdən sonra evdə saxlanılan digər əsir qadınları da xilas edib.

Qadın binanın ikinci mərtəbəsində yerləşən evdə digər 3 qadınla yanaşı 34 yaşlı Emmanuel Maslov tərəfindən əsir saxlanılıb. Maslov narkotik vasitələrin satışı və seks ticarəti ilə məşğul olub.

Polis bildirir ki, Maslov evində “hərəmxana” yaratmaq istəyib. Əvvəlcə o, qadınlarla şəhərdə görüşüb, sonra onları yoldan çıxardaraq seks köləsinə çevirib. Qadınlar evdə zəncirlənib və ölümlə hədələnib. Cəsarətini toplayan qadın bir yığın mələfəni bir-birinə düyünləyib qaça bilib.

Hadisə yerinə gələn polis Maslovu həbs edərək 3 qızı azad edib.

Nura