Əsəd Şərqi Gutada QƏTLİAM törətdi: 37 nəfər diri-diri yandı - FOTO

Suriyada silahlı qüvvələrin təxliyyə edildiyi Şərqi Guta bölgəsində sığınacaqda qətliam törədilib. Bəşər Əsəd qüvvələri tərəfindən sıınacağa yandırıcı bombalar atılıb.

Publika.az Türkiyə mediasına istinadən xəbər verir ki, illərdir Bəşər Əsəd qüvvələrinin nəzarəti altında olan ərazidə bu gün törədilən qətliam nəticəsində əksəriyyəti qadın və uşaq olmaqla 37 nəfər mülki şəxs diri-diri yanaraq can verib.

Əsəd rejimi və Rusiya qüvvələrinin ərazini geri ala bilmək üçün həyata keçirdiyi hücum nəticəsində son həftələrdə yüzlərlə insan həyatını itirib. Hücumlar nəticəsində Şərqi Gutanın 70 faizi əl dəyişdirdi.

Təxminən 400 min insanın tələyə düşdüyü Şərqi Gutada bir aydan çoxdur evakuasiya işləri həyata keçirilir. Bölgədəki ən təsirli silahlı qruplardan biri olan Ahrar əş Şam dünən Şam rejimi ilə Harasta qəsəbəsinin boşaldılması ilə bağlı razılığa gəldiyini açıqlayıb. Müqaviləyə görə, şəhərdən ayrılmaq istəyənlər üçün bu gün yerli vaxtla saat 07.00-da evakuasiya başlayacaq. Müqavilə 1500 silahlı müxalifət üzvünü və altı ailənin yaxın üzvlərini əhatə edir.