Dünya
“L”, “I” “T” taktikası, dağınıq düşərgələr: terrorçular necə qorunur?
Türkiyə Silahlı Qüvvələri (TSK) Şimali İraqda PKK
düşərgələrini indiyə qədər ən böyük əməliyyatlarla məhv edib. Rəsmi
məlumatlara görə, bombalanan onlarla hədəfdə 200-dən artıq terrorçu
öldürülüb. TSK 2009-cu ildə qurudan hücum etdiyi Şimali İraqda
sonuncu dəfə 2007-ci ildə “Günəş” adlı əməliyyat keçirib. Son 10
ildə isə yalnız sərhəd xəttinə nəzarət edilib, ehtiyac olmadığı
təqdirdə hücum edilməyib.
Publika.az PKK-nın bütün bu hücumlardan qorunmaq
üçün əl atdığı üsulları təqdim edir.
“Habertürk” internet qəzeti yazır ki, PKK hava hücumlarından
qorunmaq üçün ikimərhələli plan tətbiq edir.
İlk mərhələdə hava hücumları ehtimalının artdığı dövrlərdə
təşkilat üzvləri Diyarbəkir, Malatya kimi hərbi bazalardan qalxan
F-16 döyüş təyyarələri haqda məlumatları Şimali İraqdakı təşkilat
üzvlərinə ötürür. Təyyarələr PKK-nın nəzarətində olduğu bölgələrə
girdiyi anda bu haqda məlumatı “rabitə qurğusu” ilə bütün nöqtələrə
verir. Bu zaman bütün mövqelərdə “müdafiə və hücum” sistemləri işə
düşür. Döyüş təyyarələrinə qarşı minaatanlarla hücum edilir.
PKK-çılar təyyarələrin gəldiyi istiqamətə görə mövqe tuturlar. Əgər
vurulma ehtimalı artarsa, onlar cəld qaçaraq qazdıqları çuxurlara
girir. Terrorçuların qazdıqları sipərlər “L”, “I” “T” şəkilindədir.
Misal üçün, iki dağ arasındakı bölgədə hər hansı tərəfdən gələcək
hava hücumundan hədəf olacaq mövqenin 50-100 metr yaxınlığındakı
sipər “I” şəkilindədir. Bomba partlayanda qəlpələr yana getdiyi
üçün yaralanma ehtimalı azdır. “L” və “T” şəkilindəki sipərlər də
təyyarə hücumundan yayınmaq üçün lazımi formada qazılır.
PKK-nın Şimali İraqda Kandil, Hınerek, Hakurk, Metina, Gare kimi
düşərgələri var. Bunlarla yanaşı, Avaşin Basyan, Haftanin, Nazdur
kimi kiçik düşərgələr də mövcuddur. Lakin təşkilatın bütün silahlı
dəstələri bu düşərgələrdə deyil. Düşərgələrdə orta hesabla 20-80
arası şəxs yerləşir. Təşkilat İraq sərhədləri daxilində dağınıq
formada olan irili, xırdalı düşərgələri ilə öz mövcudluğunu saxlaya
bilir. Yəni sərhədə yaxın bölgədə bütün düşərgələr dağıdılsa da,
əsas qüvvə dağınıq formada olan düşərgələrdə qalır.
Düşərgələrdə silah-sursat bazaları ilə yanaşı, dərzi, depo,
həbsxana, çörək bişirmək üçün soba, arxiv, məktəblər, ideoloji və
siyasi təbliğat mərkəzi və s. də var.
Asif Nərimanlı
-
Nida Xəbər 11:28
İlham Əliyev Almaniyada mühüm tədbirdə çıxış edir - Yeniləndi
-
Nida Xəbər 10:29
Qriqoryan İrana hesabat verdi: Delimitasiya ilə bağlı
-
Nida Təhlil 09:26
Füzulidən Berlinə uçuş: Əliyevin təyyarəsi niyə Qarabağdan qalxdı?
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?