• USD 1,7430 +0,35% EUR 1,8487 -1,24%
    • GBP 2,1929 -0,21% RUB 0,0275 +0,36%

Türkiyədə etirazlar başlayıb, saxlanılan və xəsarət alanlar var

  • Dünya
  • 12 Mart 2014 00:46
  • 915 Baxış
Türkiyədə etirazlar başlayıb, saxlanılan və xəsarət alanlar var

Türkiyə polisi ötən il İstanbuldakı Gezi parkı hadisələrində xəsarət alan və müalicə aldığı xəstəxanada bu gün vəfat edən Berkin Əlvanın ölümünə etiraz olaraq Ankaranın Qızılay meydanında keçirilən aksiyanın qarşısını alıb.

Həmçinin avtomobil yolunu bağlayan etirazçılar polisin müdaxiləsindən sonra ara küçələrə qaçıblar.

Ara küçələrdə barrikadalar quran etirazçılar polisə daş və müxtəlif əşyalar atıblar. Təhlükəsizlik qüvvələrinin əməkdaşları isə nümayişçilərə qarşı gözyaşardıcı qaz və su şırnaqlarından istifadə edib.

Bir neçə nəfərin saxlanıldığı aksiya zamanı yaralananların da olduğu bildirilir.

Polis İstanbulda da B.Əlvanın ölümünə etiraz olaraq Qalatasaray Liseyi qarşısında toplaşaraq Taksim meydanına yürüş etmək istəyən aksiyaçıları ara küçələrə dağıdıb.

Etirazlar Eskişehir, Çankırı, Dənizli, Zonquldak, Kocaeli, Samsun, Adana, Konya və digər şəhərlərdə də keçirilib. /Trend/

Xəbər lenti

DAHA ÇOX XƏBƏR