• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

ABŞ və Çin Cibutidə hərbi baza üçün qarşı-qarşıya gəldi

  • Dünya
  • 27 Avqust 2015 07:12
  • 466 Baxış
ABŞ və Çin Cibutidə hərbi baza üçün qarşı-qarşıya gəldi

Dünyanın hərbi və iqtisadi baxımdan iki nəhəng ölkəsi olan ABŞ və Çin növbəti dəfə qarşı-qarşıya gələ bilər.

Publika.az xarici mediaya istinadən xəbər verir ki, Çinin ölkə sərhədləri xaricində ilk hərbi bazasını Cibutidə qurmaq istəməsi barədə informasiyanın yayılması ABŞ tərəfindən sərt qarşılanıb.

Çin mətbuatının yazdığına görə, Cibuti hakimiyyəti Obok hərbi bazasının boşaldılması barədə ABŞ-a təlimat verib. İddialara görə, ABŞ əsgərləri bazanı boşaldacağı halda bazaya Çin ordusu yerləşdiriləcək. Çinin Afrikanın şərqində - Qırmızı dənizin sahilindəki Cibutidə 10 min hərbçini yerləşdirəcəyi bildirilir.

Efiopiyanın paytaxtı Əddis-Əbəbədən Cibutiyə qədər uzanan 3 milyard dollarlıq dəmiryolu xəttini inşa edən Çin həmçinin 400 milyon dollarlıq sərmayə ilə Obok limanını yeniləyir. Çin burada hərbi qüvvə yerləşdirməklə Şərqi Afrikada strateji mövqe qazanmaq niyyətindədir.

Diplomatik mənbələrə görə, ABŞ Çinin ilə Cibuti ilə yaxınlaşmasını diqqətlə izləyir. ABŞ-ın Cibutidəki 2 hərbi bazasında 4 min əsgəri var və bu bazalardan anti-terror əməliyyatlarında istifadə edilir.

Ömər Dağlı

Xəbər lenti

DAHA ÇOX XƏBƏR