Dünya
Gülən icması Afrikanı belə fəth edir
Türkiyədə dini icmanın lideri, ABŞ-ın Pensilvaniya ştatında
yaşayan Fəthullah Gülənin səs yazılarında bəhs olunan Uqandadakı
neft ayırma zavodu layihəsi ilə bağlı yeni xəbərlər yayılıb.
Qeyd edək ki, Publika.Az –ın da yayımladığı Türkiyədən bir
şəxslə danışan F. Gülənin səs yazılarında Uqanda məsələsi haqqında
söhbət belə olub.
“-Bir də əfəndim, Uqanda nazirindən xəbər gəldi. Orda
bir neftayırma zavodu var. Uzun müddətdir gündəmdə idi. “Türkiyədən
böyük bir firma gətirsəniz məmnun olarıq” dedilər. Onlara (Koç
Holdinq) təklif edək? Bu məsələ ilə bağlı onların da əlaqəsi
var.
-Fətullah Gülən: Onlardan olmayan bir başqası belə ağır yükün
altına girə bilərmi?
-O yükün altına girə biləcək bir insan çevrəmizdə yoxdur əfəndim.
Türkiyədəkilər böyüklər əfəndim, əsasən içəridə şeylərə girirlər.
Onların (Koç Holdinq) “Sizin göstərəcəyiniz insanlarla ortaqlıq
etmək istəyirik” kimi bir yanaşmaları da var. İstəyirsinizsə bir az
da danışıq aparaq.
-Fətullah Gülən: Elə edək. Biz az da dediyimizi edəcək, deyəcəyimiz
şeyləri deyərkən rahat ola biləcəyimiz biri olsa daha yaxşı olar.
Olmazsa onlara verərik.
-Baş üstə əfəndim”.
Daha sonra 1 noyabr 2013-cü il tarixli telefon danışığında
eyni məsələyə yenidən toxunulur.
“-Bu dostlarımıza Uqandadan
ananas zad gəlib. Əfəndim onlara göndərmişdim. Bu gün Koç təşəkkür
məktubu yazıb. Adama da zəng etdim. Köməkçisi ilə danışdım. Bu
iftar məsələsini də orada təkrara görüşərkən Mustafa (Koç) bəyin
Adnan bəy, Poladın aramasından narahat olduğunu dedi əfəndim. Mən
Süleyman qardaşla da bölüşdüm bunu, dedim özünə. Hər-hansı bir şey
olarsa, mən görüşdürüm, “federasiya sədrini tanış etdik onsuz da”
dedim. Siz arada qalsanız ən azından bizim üstümüzə atın. Siz Adnan
bəylə pis olmayın dedim. Belə bir şey çıxdı ortaya xocam.
-Fətullah Gülən: Məncə məsələni həll edin. Yumşaqlıqla
inşallah”.
Publika.Az türk mediasına istinadən xəbər verir
ki, adı çəkilən neftayırma zavodu Uqanda üçün olduqca talyüklüdür.
Çünki bu reallaşarsa, ölkənin ilk neft zavodu olacaq. Gündə 60 min
barel neft ayırma qabiliyyətinə malik olacaq zavod 3 milyard
dollara başa gələcək. Zavodun 2017-18-ci ilə qədər hazır olması
gözlənilir. Zavod Uqandanın Qərbində inşa ediləcək. Zavodda
çinlilərin CNOOC, fransızların Total SA və ingilislərin Tullov Oil
şirkətlərinin çıxardığı xam neft hazır vəziyyətə gətiriləcək. Bu
layihənin həyata keçirilməsi üçün lazım olan maliyyənin 40 faizini
Uqanda, 60 faizinin isə tenderi qazanan şirkət tərəfindən
ödəbiləcəyi deyilir. Zavodda hazırlanan məhsullar təkcə Uqanda da
deyil, Afrika bazarlarına da çıxarılacaq.
Siyahıda türk şirkəti yoxdur
Beynəlxalq mediada yayılan xəbərlərə görə, ötən ilin oktyabr ayında
zavod üçün elan edilən tenderə dünya üzrə 75 firma qatılsa da, son
siyahıda 6 şirkət qalıb. Bu şirkətlər Çinin “China Petroleum
Pipeline Bureau”, Yaponiyanın “Merubeni Corporation”, İngiltərənin
“Petrofac”, Rusiyadan “RT-Global Resources”, Cənubi Koreyadan “SK
Energy” və Hollandiyadan “Vitol”dur.
Uqanda və neft...
Nigeriya, Anqola, Cənubi Sudan və Uqanda Səhra altı Afrikanın ən
böyük neft yataqlarına malik ölkələridir.
Uqandada təxminən 3,5 milyard barel neft olduğu deyilir. Neftayırma
zavodunun da gündəlik istehsal həcmi 60 min barel olacağı
gözlənilir. Uqandanın Qərb hissəsində “Hoima” da inşa ediləcək.
Neftayırma zavodunda istehsal ediləcək məhsullar Uqanda ilə yanaşı,
Ruanda, Burundi, Sudan, Keniya və Tanzaniya kimi ölkələrə də
veriləcək. Zavodda dizel, benzin, qaz yağı, reaktiv yanacaq və LPG
kimi neft məhsulları istehsal ediləcək.
İftar üçün sponsorluq
14 oktyabr 2013-cü il tarixində F. Gülənlə telefon danışığında Koç
qrupuna aid Tüpraşda həyata keçirilən yoxlamalardan danışılır.
Danışıqdan camaatın Tüpraş-a basqın olacağına dair xəbər verdiyi,
Koç qrupunun təşəkkür etdiyi və bunun əvəzini vermək üçün Türk dili
olimpiadalarına sponsor olmaq istədiyi aydın olur.
Həmin dialoq belədir:
“-Əfəndim, zati-alinizlə görüşdükdən sonra ötən gün
Mustafa bəy zəng etdi, Koç (Mustafa Koç). Bir müddətdir sizin
orada, başkənddəydi (Vaşinqton). “Ailə içində də təsdiq etdilər”
dedi. “Məmnuniyyətlə biz sponsor olmaq istəyirik” dedi. (Koç
Holdinq türk dili olimpiadalarına sponsor olmaq istəyir). O
danışıqdan sonra Adnan Polad bəy də özü zəng etdi, əfəndim.
-Fətullah Gülən: Bəli, yaxşı oldu. Onların (Polad) olması daha
yaxşıdır. (Pola da sponsor olmaq istəyir). Onlara (Koç-Tüpraş
məsələsi) qarşı da yuxarıdan bir pis rəftar var. Lakin maliyyə
məsələləri daxil olmaqla problem olacaq tərəfləri yoxsa, bir şey
edə bilməzlər. Üstlərinə müfəttişlər salınsa belə heç nə edə
bilməzlər.
-Rahatdırlar əfəndim.
-Fətullah Gülən: Bəli. Hesab edirəm tədbir görüblər. Xəbərdardılar?
(Tüpraşın yoxlanacağından xəbərləri vardır).
-Bəli əfəndim. Bu məsələ üçün təşəkkür etdilər. Dəvət etmək kimi
məkanlarında bir şeylər edəkmi əfəndim. Bu məsələlərdə təmas
quraqmı?
-Fətullah Gülən: yaxşı olar. Amma Böyük Patron bilməsin. Onunla
təmas qurduğumuzu bilməsin.
-Başı üstə əfəndim. O məsələdə məncə bir təqib altındayıq. Bəzi
məsələlər var. O gələn dostlar zati-alinizin o tərəfinə gəldilər.
Bu günlərdə başıma bir hadisə gəldi. Gəlib sizə də danışacam. Məncə
bu məsələdə ora ilə bağlı təqib edilirlər.
-Fətullah Gülən: Doğrudur”.
Qeyd edək ki, bu danışıqlardan sonra noyabr ayında Koç və Polat
qrupları Lütfi Kırdarda təşkil edilən Məhərrəm orucu İftarının
sponsorluğunu edirlər. Bununla yanaşı, Koç qrupu həm də türk dili
olimpiadasına da sponsorluq edib.
Lobbiçilik hələ 2012-ci ildən başlayıbmış
“The Observer” qəzetində 2012-ci ilin 20 iyul tarixində yayımlanan
xəbərdə “Milyard dollarlıq neft zavodu üçün beynəlxalq şirkətlər
sıx şəkildə lobbiçilik işlərinə başladı. Çinin “CNOOC” və “China
National Petroleum Corporation” şirkətləri ilə yanaşı, Fransa,
Rusiya, Türkiyə və İran şirkətləri də lobbiçiliyə başlayıb” deyə
bildirilir.
Baltaçı kimdir?
Telefon danışığında adı çəkilən Uqandadakı neftayırma zavodu
layihəsi üçün ortağı olan iki ayrı ölkə ilə görüşdüyü deyilən iş
adamı Fatih Baltaçı Rusiyadan təbii qaz idxalını həyata keçirir.
Baltaçının şirkəti olan “Enerco”da Avstryanın OMV şirkəti səhmlərin
40 faizinə sahib olmaqla yanaşı, Rusiyanın “Qazprom”unun da şirkətə
yaxın olduğu deyilir. Qərb kəmərindən ildə 2,5 milyard kubmetr
təbii qaz idxal etmək imkanına sahib “Enerco” şirkətinə
“Qazprombank”ın da ortaq olacağı xəbəri də yayılmışdı. Türkiyədə
böyük yatırımları olan Azərbaycanın SOCAR şirkəti də Baltaçı və
Fəttah Tamincə ilə təbii qaz ticarətində ortaq olublar.
Türk Hava Yolları Asiya bankından nə qədər pul
çıxardıb?
F. Gülənin 25 dekabr 2013-cü il tarixli telefon danışığında adı
keçən Asiya Bankı haqqında da yeni xəbərlər ortaya çıxıb.
Həmin telefon dan ışığında zəng edən şəxs Asiya Bankının pis
vəziyyətdə olduğunu, müştərilərin pullarını bankdan çıxardığını
deyir və “nə edək” deyə soruşur.
“-Əfəndim Ali bəyin işləri ilə bağlı. Böyük
müştərilərdən bir neçəsi almış şeylərini (pullarını çəkiblər).
Təbii ki, bu çox böyükdür. Bunlar içində hələ bəlli olmayan THY
var, birdə bank var. O da alırsa bir az çətin olacaq kimi görünür.
Bir azdan güman ki, dostlarla görüşəcəyik. Onlarla bu məsələni
müzakirə etsəjk, öndə gedənləri 2001-ci ildə olduğu kimi şeylərini
(paralarını) yatırmalarını istəsək uyğun olarmı?
-Fətullah Gülən: O əlinizdəki şeylər olmur? (camaat üzvlərinin
qızıllarını nəzərdə tutur).
-Onlar azdır əfəndim.
-Fətullah Gülən: Eləmi?
-Bəli. Yəni böyük, lap böyük, dostları da panikaya-manikaya
salmadan külli şeyin olması.
-Fətullah Gülən: Bunun yolu var?
-Əfəndim hazırda bəziləri ehtiyacdır deyib özləri əlaqə
yaradıblar. Biz bunu aşarıq deyə bir şey olub, amma indiki görüntü
THY nə edəcək, bəlli deyil? 300 küsur (THY-nin pulu 300 milyon türk
lirəsi). Bir də o bankın 300 küsur. Elə böyük toplu şey edərslərsə,
bunu etmələri böyük ehtimaldır. Çəkmə ehtimalları. Əfəndim
dostlarla görüşərək, onlara yaxın çevrələrin yəni şeylərini
(pullarını) oraya, 2001-ci ildə olduğu kimi yatıracaqlar.
-Fətullah Gülən: Bu mümkündürmü?
-Əvvəldən zatialinizin tövsiyəsi ilə 2001-ci ildə etmişdik.
-Fətullah Gülən: Edin, edin. Heç hiss etmədən tələsik edin.
Tələsin”.
Bu danışıqdan sonra Asiya Bankından çıxarılan pulun 900 milyon türk
lirəsi olduğu xəbəri yayıldı. Lakin rəsmi açıqlama verilmədi.
Bununla yanaşı, bankın krizisdən çıxarılması üçün nə qədər pulun
yatırıldığı da dəqiq deyil.
Telefon danışıqlarının ortaya çıxmasından sonra Türkiyə Hava
Yolları (THY) açıqlama ilə çıxış edib. Açıqlamada deyilir ki,
yayılan xəbərlərdə deyilən rəqəmlər doğru deyil və hələ də Asiya
bankında THY-nin pulu var. Açılamada qeyd edilir ki, 17 dekabr
olaylarından sonra bəzi ehtiyaclar üçün lazımı addımlar atılıb.
Əslində bununla THY bankdan pulunu çıxartdığını təsdiqləyir. Lakin
nə qədər pul çıxartdığı və bankda qalan miqdarın nə qədər olduğunu
açıqlamayıb.
Asif Nərimanlı
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu