Vaşinqton rəsmi Kiyevə sanksiyalar xəbərdarlığı edib
Ukrayna müxalifətinin lideri Arseniy Yatsenyuk prezident Viktor
Yanukoviçlə danışıqlardan sonra bəyan edib ki, ölkədə innən belə
qan tökülməsinin qarşısının alınmasına “çox böyük” imkan
var.Yatsenyuk müxalifətin digər liderləri - Vitali Kliçko və Oleq
Tyahnıbok-la birlikdə prezidentlə cümə axşamı bir neçə saat
danışıqlarda olub. Danışıqlar gecəyarı başa çatıb.
Publika.Az xarici mediaya istinadən xəbər verir ki, bundan bir gün
əvvəl, çərşənbə günü müxalifət Yanukoviçə yeni prezident
seçkilərinin çağırılması üçün cümə axşamınadək vaxt vermişdi.Bu
tələbin ardınca Yanukoviç parlamentin gələn həftə toplanmasına
göstəriş verib.
Ədliyyə naziri Olena Lukaş prezidentin internet saytında yaydığı
bəyanatda bildirib ki, müxalifət son danışıqlarda “ekstremist
hərəkətləri pisləməkdən imtina edib”.
Lukash həmçinin deyib ki, böhran danışıqlarının keçirilməsi üçün
etirazçılar zəbt etdikləri hökumət binalarını tərk etməlidirlər. O
həmçinin qeyd edib ki, nümayişçilər üçün “amnistiya” verilməsi
mümkündür.
Hökumət geri çəkilir?
Cümə axşamı Ukraynanın baş naziri Mikola Azarov deyib ki, Kiyev
şəhərində nümayişlərin keçirilməsini məhdudlaşdıran və parlament
tərəfindən keçən həftə qəbul edilmiş qanunlara müxalifətin iştirakı
ilə yenidən baxıla bilər.
Cənab Azarov "Röyters" agentliyinə müsahibəsində bildirib ki,
Avropa Şurasının və Venesiya Komissiyasının ekspertləri qanunlara
dəyişikliklər prosesinə kömək edə bilərlər.Avropa İttifaqının
genişlənmə məsələləri üzrə komissarı Stefan Fuele bu cümə günü
Ukrayna rəsmiləri ilə danışıqlar üçün Kiyevə gəlir.
Ötən çərşənbə qüvvəyə minmiş yeni anti-etiraz qanunları icazə
verilməmiş küçə aksiyalarında iştirak üçün kəskin şəkildə
artırılmış cərimələr və hətta həbsxana cəzaları nəzərdə
tutur.Qanunvericilik həm də adamların çadır və tentlər qurmasına,
plakat və səsucaldanlardan istifadə etməsinə qadağan qoyur.
Qərb Kiyevlə sərt danışır
Cümə axşamı Almaniya kansleri Angela Merkel Yanukoviçi yeni
qanunvericiliyi ləğv etməyə çağırıb.
Xanım Merkel Ukrayna prezidenti ilə telefon söhbətində ona
müxalifətlə “ciddi danışıqlar” keçirməyi tövsiyə edib.Cümə axşamı
ABŞ-ın vise-prezidenti Co Bayden də Yanukoviçlə telefon söhbətində
Ukraynadakı böhranı müzakirə edib. O xəbərdarlıq edib ki, Kiyevdə
bundan sonra da qan tökülməsi ABŞ-Ukrayna münasibətlərinə ciddi
təsir göstərə bilər.
Bundan bir qədər əvvəl Vaşinqton xəbərdarlıq etmişdi ki,
etirazçılara qarşı zorakılığa cavab olaraq Ukraynaya sanksiyalar
tətbiq oluna bilər. Ötən çərşənbə üç nəfərin həlak olduğu xəbər
verilmişdi. Onlardan ikisi odlu silah yaralarından ölüb.Ağ Evin
sözçüsü Cay Karni cümə axşamı Kiyevdə baş vermiş zorakılıqlarla
bağlı narahatlıq ifadə edib.
“Bu vəziyyət Ukrayna hökumətinin Ukrayna xalqının narazılıqlarını
ciddi qəbul edib onları dinləmək istəməməsi ucbatından baş verib.
Biz hökuməti zorakılıqdan çəkinməyə və hökumətlə müxalifət arasında
dialoqa çağırırıq” – deyib Karni.
Bu arada Qərbi Ukraynada antihökumət etirazçıları Lvov əyaləti
qubernatorunun qərargahına hücum edərək onu istefa verməyə məcbur
ediblər.
Qubernator Oleh Salo bu vəzifəyə Yanukoviç tərəfindən təyin
edilmişdi.Ukraynada etirazlar ötən noyabrda Yanukovych Avropa
İttifaqı ilə assosiasiya sazişini imzalamaqdan imtina etdikdən və
Rusiya ilə daha sıx münasibətlər qurmaq planını elan etdikdən sonra
başlanıb.
Bu qərarına görə Moskva Yanukovych hökumətinə 15 milyard dollarlıq
yardım paketi təqdim edib.
Xatırladaq ki, Prezident Yanukoviç parlamentin
təcili sessiyasını çağıraraq, böhrana son qoyulması yollarını
müzakirə edib.
Ukraynada müxalifət liderləri prezident Viktor Yanukoviç yeni
seçkilər tələbinə 24 saat ərzində cavab vermədiyi təqdirdə, hökumət
qüvvələri ilə qarşıdurmanı davam etdirəcəklərini bildirməsindən bir
neçə saat sonra ölkədə zorakılıqlar yenidən baş qaldırıb.
Ukraynanın Davosda keçirilən Beynəlxalq İqtisadiyyat Forumunda
iştirak edən baş naziri Mıkola Azarov erkən seçkilər tələbini
qeyri-real adlandıraraq, nümayişçiləri çevriliş cəhdində ittiham
edib.
Müxalifətin ultimatumu polislə münaqişələr zamanı hökumət
əleyhdarı 3 nəfərin ölümündən bir gün sonraya təsadüf edib.
Onlardan ikisi polisin açdığı atəş nəticəsində aldığı yaralardan,
üçüncüsü isə qaçan zaman yıxılaraq həlak olub.
Bəzi nümayişçilər deyir ki, polis nümayişlərə qarşı ifrat gücdən
istifadə edib.
Müxalifət liderləri nümayişçiləri prezidentdən son tələblə bağlı
cavab gözlədikləri vaxt ərzində zorakılıqlardna yayınmağa çağırıb.
Vaşinqton ölkədə zorakılıqları tənqid edib və Obama
administrasiyası hökumətə qarşı sanksiyaları nəzərdən keçirir.
Xatırladaq ki, keçən ilin noyabr ayında Ukrayna prezidenti
Viktor Yanukoviçin mövqeyini dəyişərək, Avropa İttifaqı ilə ticarət
sazişi imzalamaqdan imtina edib, Rusiya ilə daha yaxın əlaqələr
qurmaq kursu götürməsindən sonra paytaxt Kiyev və ölkənin başqa
şəhərlərində hökumət əleyhinə nümayişlər keçirilir.
Moskva Ukraynanın tənəzzüldə olan iqtisadiyyatını gücləndirmək
üçün Rusiya qazının qiymətini azaltmağa söz verib.
03.50
Ukrayna müxalifətinin liderləri Vitali Kliçko və Oleq
Tyaqnibok Prezident Viktor Yanukoviçlə razılığa gəldiklərini bəyan
ediblər.
Belə ki, tərəflər güc tətbiqini dayandıracaq, Daxili İşlər
Nazirliyi isə iğtişaşlar zamanı həbs edilən etirazçıları azad
edəcək.
V.Kliçkonun sözlərinə görə, razılığa əsasən, V.Yanukoviç və
daxili işlər naziri Vitali Zaxarçenko güc tətbiqini dayandıracaq və
saxlanılan şəxslərin azad edildiyini açıq şəkildə bəyan edəcəklər,
öz növbəsində, etirazçılar da güc tətbiqindən çəkinməlidirlər.
O.Tyaqnibok qeyd edib ki, "Berkut"un odlu silahlardan istifadə
etməsinin qadağan olunduğu rəsmi şəkildə bəyan ediləcək: "Əgər
onlar şərtləri pozsalar, biz də pozacağıq".
Qeyd edək ki, bu gün Ukrayna Prezidenti V.Yanukoviçin müxalifət
liderləri - "Udar" partiyasının rəhbəri V.Kliçko, "Batkivşina"
parlament fraksiyasının lideri Arsen Yatsenyuk və "Azadlıq"
partiyasının sədri Oleq Tyaqnibok ilə görüşü olub. Danışıqların
üçüncü raundunun yanvarın 24-ü və ya 25-də keçiriləcəyi gözlənilir.
/Trend/
|