• USD 1,7369 +0,17% EUR 1,8625 -0,14%
    • GBP 2,1995 -0,47% RUB 0,0272 +0,37%

Obamayla Kemeron Rusiyanı hədələdilər

  • Dünya
  • 5 İyun 2014 21:10
  • 349 Baxış
Obamayla Kemeron Rusiyanı hədələdilər

Brüsseldə keçirdiyi mətbuat konfransında Böyük Britaniya baş naziri Devid Kemeron Rusiyanı hədələyib.

Kemeron deyib ki, əgər Moskva Ukraynadakı seçkilərin nəticəsini tanımazsa, yeni seçilmiş prezident Petro Poroşenko ilə görüşlərə başlamazsa, Rusiyaya qarşı yeni sanksiyalar tətbiq ediləcək.

Onun sözlərinə görə, Rusiyaya qarşı yeni sanksiyalar sektoral olacaq və iqtisadiyyatın ayrı-ayrı bölmələrini əhatə edəcək. Kemeron bildirib ki, "böyük yeddilik" böhranın əvvəlindən Ukrayna məsələsində yekdil olaraq bu fikirdədir ki, ölkənin şərqində Rusiyanın destabilizasiya əməlləri yolverilməzdir.

ABŞ prezidenti Barak Obama əlavə edib ki, yeni sanksiyalar bir aydan sonra tətbiq edilə bilər: "Biz baxacağıq görək, Rusiya prezidenti Vladimir Putin yaxın iki, üç və dörd həftə ərzində nə iş görəcək. Əgər əvvəlki kimi davam edəcəksə, biz artıq bəyan elədiymiz müəyyən tədbirləri görməli olacağıq", - deyə Obama Brüsseldə bildirib. /Ans/

Xəbər lenti

DAHA ÇOX XƏBƏR