Dünya
Gürcüstanda hakimiyyət böhranı: “Gürcü arzusu” tarixə qovuşur
Gürcüstan baş naziri İrakli Qaribaşvili tərəfindən istefaya göndərilən müdafiə naziri İrakli Alasaniyanın komandasında olan bütün hökumət üzvlərinin istefası istisna edilimir.
Publika.az-ın Gürcüstan mediasına istinadən verdiyi məlumata görə, bu barədə baş nazirin müavini, energetika naziri Kaxa Kaladze bildirib.
Qeyd edək ki, Gürcüstanın baş naziri bu gün müdafiə naziri İrakli Alasaniyanı istefaya göndərib. İ.Qaribaşvilinin bu qərarına səbəb Müdafiə Nazirliyindəki yeyintilərlə bağlıdır. Əvvəllər böhranların idarə edilməsi və təhlükəsizlik üzrə hökumət şurasının katibi işləmiş Mindiyu Canelidze yeni müdafiə naziri təyin edilib.
Əlavə edək ki, istefaya göndərilən İ.Alasaniya "Bizim Gürcüstanımız – Azad demokratlardır" Partiyasına rəhbərlik edir. “Mən istisna etmirəm ki, Alasaniyanın partiyasını təmsil edən qalan nazirlər də hökuməti tərk edəcəklər. Çünki onlar bir komandadır. İstefalar da təbii olacaq", - deyə K.Kaladze vurğulayıb.
Alasaniyanın partiyasını təmsil edən nazirlər isə xarici işlər naziri Maya Pancikidze, ədliyyə naziri Teya Sulukiani və Avrointeqrasiya üzrə dövlət naziri Aleksi Petriaşvilidir. Artıq Aleksi Petriaşvili sabiq həmkarı ilə həmrəylik nümayiş etdirərək istefaya gedəcəyini açıqlayıb.
Hazırda əsas məsələ İ.Alasaniyanın partiyasının "Gürcü arzusu” koalisiyanı tərk edib-etməyəcəyidir. Əgər belə bir qərar qəbul edilərsə, koalisiya parlamentdəki 10 deputat mandatını itirəcək. Bu isə koalisiyaya parlamentdə əksəriyyəti saxlamağa imkan verməyəcək.
Ömər Dağlı
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ
-
Magazin100:45
Könül Kərimova estetik əməliyyat etdirdi - FOTO
-
Qoroskop00:15
Günün ULDUZ FALI: qarşıdurmalar ola bilər
-
Sosial25 Aprel 23:48
Bakıda ayıq sürücü müştərinin "Land Rover”indən oğurluq etdi