Gülən xəlifə olacaq və Ərdoğan başda olmaqla… – Gülənin silahdaşından şok iddialar (VİDEO)

“17 dekabr” əməliyyatı müvəffəqiyyətli olacağı halda, Fəthullah Gülən Türkiyəyə xəlifə olaraq gələcək və üç əhəmiyyətli hadisə baş verəcəkdi. Allah bizi böyük bir bəladan qorudu”.

Publika.az-ın Türkiyə mediasına istinadən verdiyi məlumata görə, bu sözləri bir vaxtlar Fəthullah Gülənin ən yaxın ətrafında olan, daha sonralar camaatdan ayrılan Lətif Ərdoğan “A Haber” kanalının efirində deyib.

Ərdoğan Gülənin əslində, İngiltərə, ABŞ və İsrailin qurmaq istədiyi xilafətin xəlifəsi olaraq düşünüldüyünü söyləyib. Fəthullah Gülənin keçmiş silahdaşı hesab edir ki, camaatın icrasına başladığı “17 dekabr” əməliyyatı uğurla tamamlansaydı, bu planın başında dayanan Gülən Türkiyəyə xəlifə olaraq gələcək və daha sonra aşağıdakı üç hadisə baş verəcəkdi:

1.İŞİD terror qruplaşması ilə müharibə başlayacaqdı. Çünki İŞİD də özünü xilafət elan edib.

2. İranla müharbə başlayacaqdı.

3. Ölüm cəzası bərpa olunacaqdı. Türkiyədə iş görə biləcək, ağlı başında olan bütün insanlar dar ağacının altına göndəriləcəkdi.

Ömər Dağlı