Dünya

Bu uşaq ayaqlarını şkafa qoyub üzür - FOTOLAR

27 Dekabr 2014 17:25

7 yaşlı Miraç Ögmən dünyaya gələndə ayaqları olmayıb. Lakin bu əngəlinə baxmayaraq o, çox yaxşı üzə bilir.

Publika.az Türkiyə mətbuatına istinadən ayaqları olmadan professional şəkildə üzə bilən 7 yaşlı oğlanın hekayəsini təqdim edir.

M.Ögmən üçüncü sinifdə oxuyur, ayaqları yoxdur, o gəzərkən protez ayaqlardan istifadə edir. Hazırda İdman Nazirliyinə aid hovuzda üzgüçülüyü öyrənir. Hər dəfə hovuza girərkən protezlərini çıxarıb şkafa qoyur.

Onun əsas istəyi professional üzgüçü olmaqdır. İki ayağı olmasa da, o, qısa müddətdə çox yaxşı üzməyi öyrənib.

“Ayaqlarım olmadığı üçün yaxşı üzə bilməyəcəyimi düşünürdüm. Bir il əvvəl üzgüçülük kursuna yazıldım. Amma ürəyimdə yaranan problemə görə, kursu dayandırdım. Əməliyyat olundum, indi yenidən üzməyə başlamışam. Televizorda iki əli, ayağı olmayan insanların üzdünüyü görmək mənə cəsarət verdi. Qısa zamanda mən də yaxşı üzgüçü olub, əlil insanlara nümunə olmaq istəyirəm”-deyə M.Ögmən deyib.

Gülxar