• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Bəşər Əsədin sonu çatdı: yeni ittifaq yaradılır

  • Dünya
  • 8 May 2015 02:09
  • 963 Baxış
Bəşər Əsədin sonu çatdı: yeni ittifaq yaradılır

Suriyanın Bəşər Əsəd rejiminə son qoyacaq ittifaq yaradılır.

Publika.az xəbər verir ki, bu barədə “Associated Press” informasiya agentliyi türk səlahiyyətlilərə istinad edərək bildirib.

Xəbərə görə, Türkiyə və Səudiyyə Ərəbistanı Bəşər Əsəd rejiminə qarşı döyüşən müxalifət güclərinə yardım edilməsi mövzusunda razılaşıb.

Xatırladaq ki, bu gün Türkiyə Cümhuriyyət Xalq Partiyasından (CHP) olan millət vəkili Gürsel Tekin Türkiyənin iki gün ərzində Suriyaya müdaxilə edəcəyini iddia edib. Onun sözlərinə görə, məlumatı çox etibarlı bir mənbədən alıb.

Yayılan digər bir xəbərə görə, ABŞ Müdafiə Nazirliyi (Pentaqon) bu həftənin sonuna kimi Suriya müxalifətinin hərbi hazırlığı üzrə proqramın icrasına başlamaq niyyətindədir. ABŞ-ın 400 hərbi təlimatçısı artıq adıçəkilən ölkələrə gəlib. Təlimlərdə iştirak etmək üçün Suriya müxalifətindən təxminən üç min nəfər yazılıb. Məlumata görə, müxalifət qüvvələri tibbi yardımın göstərilməsi, döyüş əməliyyatlarının taktikası, odlu silahlar və radioötürücülərdən istifadə üzrə biliklər alacaq. Suriya müxalifətinin təlim proqramına görə, hər il təxminən beş min döyüşçü hərbi təlim almalıdır.

Ömər Dağlı

Xəbər lenti

DAHA ÇOX XƏBƏR