İqtisadi gündəm

Nazir: “Büdcənin gəlirləri 16 milyard 255 milyon manat məbləğində nəzərdə tutulub”

6 Dekabr 2016 12:54

“Tarif Şurasının bəzi kommunal xidmətlərin qiymətlərinin differensiallaşdırılması ilə əlaqədar 2017-ci ilin dövlət büdcəsində gəlir və xərclər 300 milyon manat artırılıb”.

Publika.az xəbər verir ki, bunu Milli Məclisinin bu gün keçirilən plenar iclasında 2017-ci il üçün dövlət büdcə zərfinin müzakirəsi zamanı maliyyə naziri Samir Şərifov bildirib.

Nazir deyib ki, 2017-ci il üçün dövlət büdcəsinin gəlir və xərcləri artırılması təklif olunur:

“Başqa sözlə, gələn ilin dövlət büdcəsinin gəlirləri 1,88 faiz , xərcləri isə 1,81 faiz artırılıb. Bununla da, gələn il dövlət büdcəsinin gəlirləri 16 milyard 255 milyon manat, xərcləri 16 milyard 900 milyon manat o cümlədən, mərkəzləşdirilmiş gəlirləri 15 milyard 634 milyon 706 min manat, yerli gəlirləri 620 milyon 294 min manat, mərkəzləşdirilmiş xərcləri 16 milyard 211 milyon 286 min manat, yerli xərcləri 688 milyon 714 min manat məbləğində nəzərdə tutulur”.

Vasif Həsənli