• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

REAL: “Qanunlarin yaxşılaşdırılmasında yardımçı olmaq niyyətimiz yoxdur“

REAL: “Qanunlarin yaxşılaşdırılmasında yardımçı olmaq niyyətimiz yoxdur“

Respublikaçı Alternativ (REAL) Hərəkatı bu gün Milli Məclis qarşısında etiraz aksiyası keçirməyə cəhd edib.

Publika.Az-a Hərəkatın sədri İlqar Məmmədov bildirib ki, onlar "Kommersiya sirri haqqında" qanuna dəyişikliklərdən narahatdırlar.

İlqar Məmmədovun sözlərinə görə, polis aksiya iştirakçılarını ərazidən uzaqlaşdırsa da onlar mövqelərini ifadə edə biliblər: "Ümid edirik ki, tələbimiz yerinə yetiriləcək. Yerinə yetirilməsə, dəyişikliklər paketi ikinci oxunuşa çıxarılanda müəyyən addımlar atacağıq”.

REAL-ın icra katibi Natiq Cəfərli mətbuata açıqlamasında bildirmişdi ki, etirazlarla bağlı mətn hazırlanacaq və həmin mətnin Milli Məclisə çatdırılmasına çalışacaqlar.

İlqar Məmmədov isə sənədə heç bir ehtiyac görmür:

"Biz mövqeyimizi bildirdik. Xəbər saytları da mövqeyimiz barədə məlumat veriblər. Millət vəkillərimiz zəhmət çəkib həmin informasiyaları oxusunlar və tələblərimiz barədə xəbər tutsunlar”.

Qeyri-hökumət təşkilatlarının parlamentdə lobbiçilik fəaliyyətinə, onların qanunların hazırlanmasında iştirakına gəlincə, İlqar Məmmədovun sözlərinə görə, REAL-ın qanunların yaxşılaşdırılmasında yardımçı olmaq niyyəti yoxdur: "Biz siyasi təşkilatıq və etiraz doğuran qanunlar ortaya çıxanda öz mövqeyimiz bildiririk".

Ömər Əmirov

Publika.Az

Xəbər lenti

DAHA ÇOX XƏBƏR